×
أعود ويعود الفكر ينشغل بذكراك
و أمشي والحب بقلبي ما اصده
أعود وكلي أمل في لقاك
ولقاك لوحده يحيي القلب ويرده
...
أبيك دايم تبقى لي دون سواك
وتبقى صورتك بالبال ممتده
أبيك ترحم قلبن تفنن في هواك
قلبن يعزك بالرخاء قبل الشدة
منِ كثر ما طاله ضيم غلاك
صارت حيطانه في يمينك منهدة
يبغي يشوفك في لحظة رضاك
ويبغي يشوفك تبادله المودة
ولو شافك لراحت روحه تفداك
وجات من بعد العتاب مرتدة
ليش كلما اتطلع لك تروح ﮪ̲ﻧ̲ﭑ̷̷̲ﻟ̲ڪ̷̜̐
وأنا ما أقوى على البعد والصدة
ولا أقوى ولا دقيقة بفرقاك
وفراقك يعيد حكاية الدمع وخده
ولو يتبسم لك القمر ماوفاك
ولو يقطف لك البساتين وردة بوردة
ولو تخجل الشمس من بهاك
لما لقى نور الشمس بالكون نده
وأنت يا الي تشتاق العين لروياك
كل الطرائق لحب غيرك منسدة
ياغدير الحسن من أولك ألمنتهاك
شوفتك تــشقق القلب وتقده
يا منبع الغرام ارحمني كفاك
طار فرح القلب وهبط وجده
لاتفضلت بالقلب ياهلا وحياك
ولا رحلت يلوح لك القلب بيده ‘