هلا يا جرح تفضل بين باقي الجروح
واستحل بين الضلوع مكان واستوطنه
تعال وانت شامخ .. تعال وانت طموح
لك الشرف بقلبي توصل أعلى الأمكنه
شفيك متردد خايف من كثره الذبوح؟؟
وأنت سيد جروح الخفوق وبطلها وفاتنه
تعال أنت غير عنهم .. مسكنك بالروح
لأن سبتك من أعز "صحبه " خاينه
يا جرح يا ثاير يا جرح خيل جموح
يا جرح وافي ورابي في زمان الأقنعة
لا تبرر لي قدومك اسكت ... لا تبوح
أنا فاهمك دون تفاسير وشرح وبرهنه
السكوت أبلغ من كثر الشكوى والبوح
لكنً العيون تحكي لو خرست هلألسنه
لا تحزن يا جرح تحتك ميتات جروح
دويتها بالصبر قبلك على مر الأزمنه
أفااا ... تراه كل الجروح ضيوف وتروح
عنبوها هالصدور صارت للجروح مستوطنه
موضوع: أفااا ... تراه كل الجروح ضيوف وتروح 
الأربعاء فبراير 22, 2012 7:11 am