مقلــــــــب شبــاب في خويهــم

زائر

القصة عبارة
عن مقلب لاحد الشباب
في رحلة للمنطقة الشرقية
الاحساء
اقترح محمد على صديقه فيصل انهم يسافرون يقضون
الويك اند في الشرقية... فيصل وافق واتفقو ان محمد
بيمر عليه في وقت محدد... جا الموعد ومر محمد على
فيصل بياخذه... ونزل محمد من السيارة قبل يركب فيصل وقال له:

معليش فيصل سامحني ما قلت لك

خير وش فيك

ترا اختي بتخاوينا في الطريق

وشو

لا تخاف بس في الطريق بس لما نوصل الشرقية بنزلها على قرايبنا وماعلي منها

اقول مع السلامة بس روحو بالسلامة

اعقل بس وبلا حركات بزران

الله اعلم من البزران توك تقول لي يا لوح

والله جت فجأة الظروف وماامداني

بروح وانتم الله يسهل عليكم طريقكم

اقول خلك رجال عند كلمتك

انا عند كلمتي بس ماابي اضايق احد

مافيها مضايقة

المضايقة مو لك لاختك

ماعليك

لا علي منيب رايح امشو بس

شف عاد والله ثم والله لو ماركبت مااأمشي

محمد الله يرحم والديك بلا احراج

انا حلفت عاد بكيفك

يووووه محمد ورطتني والله

لا تلطعنا كثير وامش اركب

وركب فيصل وهو لازق بالكبوت من الاحراج. لكن بعد شوي
ارتخى شوي وتسند واخت محمد كانت وراه.

شوي ويحس فيصل بحركة وراه لكنه سكت نفسه...
الحركة زادت وهو يسكت نفسه... شوي ويحس بيد ناعمة
لمست يده... سحب يده هو بقوة وقال لا اله الا الله
عسى الله يعدي هالسفرة على خير... وشوي تلمس
يده البنت مثل تو... رفع يدينه وتكتف... شوي ويحس
اليد بدت تدغدغه على رقبته وظهره...

ماصدق ان محمد وقف على محطة بنزين يعبي
السيارة الا وينزل ويحلف على محمد انه يسوق هو.
.. محمد استغرب من اصرار فيصل وعطاه المفاتيح وقعد مكانه...

واول ما حرك فيصل السيراة بيمسك الخط ويحس
بطربقة ورا... رفع عيونه للمراية بيشوف شالسالفة
لقى اخت محمد غيرت مكانها وجت وراه... ورجعت
تعمل له نفس الحركات الي قبل... ومحمد يا غافين
لكم الله... يوم زودتها البنت ويوقف فيصل في الطريق وينزل...

خير خير يا فيصل وش جاك؟

ما جاني شي امشو بس

اقول وش فيك مصخن؟ ولا انهبلت

اقول لك امشو انا حاس ان هالسفرة ماراح تعدي على خير

تعوذ من ابليس واركب

اقول لك امشو وانا ادبر نفسي واوقف لي
سيارة ترجعني ماعليك مني انت بس خذ اختك وامشو

منيب ماشي الا معك لا تخليني احلف

والله مايحلف غيري

لحظة لحظة لا تحلف بقول لك السالفة

ساعتها انفجر محمد وطاح على بطنه من الضحك...
فيصل حس ان فيه شي مب طبيعي... واخيرا اكتشف
ان اختك يا محمد كانت صديقهم مشعل... وكانو عاملين
فيه مقلب سخيييييييييييييييف...

بس س سؤالين:

وش موقف فيصل لو كان متجاوب مع حركاتها؟؟؟!!!

والله ماينسونها له طول حياته بس ربي عطاه على قد نيته

بس ماجاتة الظحكة مو معقولة

كيف مشيعل تحمل طول هالوقت يتغطى بس مقيولة
المشتهي يقطع المستوي خخخخ