ياعنود الصيد ما مثلك عنود ياشبيه(ن) للرشا بجفالها
جامع(ن) ورد المشاتل بالخدود والرموش مظللن ظلالها
نابي الارداف مزموم النهود ماحلا المقفا وماحلا قبالها
ياقصيدة حب فحواها وجود يانشيده شاقني موّالها
ياشذى الازهار يانفحة ورود ماحدن جاها ولااحدن نالها
ياملاك الحسن ياظبي النجود مثل مهرة بر ماحدن جالها
عنفها اللي زايد بليا حدود من عسفها صار هو خيّالها
كل يوم(ن) حبها بقلبي يزود ذقت نار الحب ويا اهوالها
زاد في زين الحلو طول الجعود كنه اسلاك الذهب باشكالها
ماخلق مثله أبد في ذا الوجود الله اللي بالجمال اصخا لها
موضوع: عنود الصيد 
الخميس أغسطس 04, 2011 12:20 pm