الليل هود واكهف النجم لغياب

عدد المساهمات : 59 تاريخ التسجيل : 18/01/2012

الليل هوّد واكهف النجـم لغيـاب
قضى الحديث وودعونـا المساييـر

أحدٍ قفل دون هوجاسـه البـاب
وأحدٍ غدت جدران بيتـه تفاكيـر

ياساكن الهوجاس ممسـاك ماطـاب
راحـت مجاهيـم وجتنـا مغاتيـر

لا والله الا ضامنا بعـد الاحبـاب
والشوق ظالـم لاتعـدى المحاذيـر

احبابنا اللي عقبهم كننـا أجنـاب
لوماجفتنـا الـدَّار دار المناعـيـر

الليل هوّد واكهف النجـم لغيـاب
قضى الحديث وودعونـا المساييـر

ليت الثلاثاء ماكتب يوم في كتـاب
من غبت ياجبر القلـوب المكاسيـر

كل ماذكرته قمت للوصل طـلاَّب
وقلت القطاعه في هل الرحم تقصير

وين أنت ياغيثٍ من الجود صبَّـاب
يمينك أكرم مـن سحـابٍ مزابيـر

وين أنت يامعتق من الحاجه إرقـاب
ايضا وبك لطفٍ وحكمـه وتقديـر

قالوا مريض وقلت لشفاي لاطـاب
وقالوا بعيد وقلـت حنَّـا المعاتيـر

والله لو تطوى له بحـور وهضـاب
ماهو جزا له مير للشـوق تصبيـر

أنا أشهد إن الحب تكتب له أسباب
وماكل قاعٍ فيـه تنبـت نواويـر

ياشيخنا تكفيك لو ضحكة النـاب
وشلون وانتَ ماتحسـب المخاسيـر

لا والله الا ضامنا بعـد الاحبـاب
والشوق ظالـم لاتعـدى المحاذيـر

احبابنا اللي عقبهم كننـا أجنـاب
لوماجفتنـا الـدَّار دار المناعـيـر

الليل هوّد واكهف النجـم لغيـاب
قضى الحديث وودعونـا المساييـر

حنَّا مثل غرسٍ سقي ديـن وآداب
وتاريخ من فعله تعـدى الاساطيـر

وقت الرخا نرجى وفي الحرب ننهاب
ولاجا لزوم الشيخ حنـا المذاخيـر

كبيرنا في السن نحسب له حسـاب
وكنَّه مع اللي سابقٍ سنَّـه صغيـر

أنتم عمود العز وحنَّا لـه اطنـاب
نرسى ولو هبَّت هبوب ومعاصيـر

وأرض الجزيرة مابها ربع وأغـراب
الاصل واحد والشـرف والمقاديـر

والله فوق الكل والشـرع غـلاَّب
حب الوطن من حب والي التدابيـر

الليل هوّد واكهف النجـم لغيـاب
قضى الحديث وودعونـا المساييـر

دعيني أنحي قلمي قليلا

أقف أحتراما لكِ

ولقلمك
وأشد على يديك لهذا الابداع

الذي هز أركان المكان
يسلمو ع طرح خيوو cheers

عدد المساهمات : 59 تاريخ التسجيل : 18/01/2012

حياك / ملآك ,,

عساني مافقد طلتك
وجودك كرذاذ المطر تساقطت زخااته على سمااء صفحتي ,,
فياهلا ويامسهلاا فيــــــــــــــــك,, وبالإطلاااالــــــــة الحلوة والجميلة,,
ولكي ارق التحايا
آآآآه ياجـــود الحــزن

» حينما يأتي الليل وتنام الأعـين ...