منتــــــــــــدى الشيخـــــــــــه العنـــــــــــــــــود
مرحبا بك زائرنا الكريم يسعدنا تواجدك في منتدانا المتواضع اذ كنت عضو مشترك اضغط على الدخول واذا كنت غير مشترك وتريد الاشتراك اضغط التسجيل واذا كنت تريد ان تستطلع فقط فاضغط الاخفاء يسرنا خدمتكم نورتونا


ثقافي ترفيهي
 
الرئيسيةالبوابةاليوميةس .و .جبحـثالتسجيلدخول

شاطر | 
 

 ... اراضيكم بعد رد اعتباري ...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عذبة الاوصاااف

avatar

عدد المساهمات : 153
تاريخ التسجيل : 02/09/2011
الموقع : -

مُساهمةموضوع: ... اراضيكم بعد رد اعتباري ...   الإثنين سبتمبر 05, 2011 12:38 am

أراضيكم بعد رد اعتباري
بقلم: صوغه

شخصيات القصه تتظمن
عايلة بوحمد
هم بوحمد
وام حمد
وحمد عمره 25 وعصبي لكن دمه خفيف وهو مالج على بنت عمه مريم ربيعة
اخته امون الروح بالروح
امون عمرها 22 سنه اخر سنه كليه حبابه ودمها خفيفه بس عنيده وايد
منصور شخصيه كوميديه لابعد الحدود ايحب اخته فطيم اكثر عن خوانه كلهم يمزح وايد حتى انه دوم ايطيح بمشاكل بسبب مزاحه عمره 20
فطيم اختهم الصغيره واخر العنقود غلسه ومنصور ينقهر من غلاستها حبوبه وغيوره لدرجه فظيعه خاصه من منصور بس مع ذللك اتحبه

عايلة بويوسف
بو يوسف
ام يوسف
يوسف متزوج عنده بنت اسمها نوف حباب وطيب متفهم وعمره 27
مريم خطيبة حمد عمرها 22 حبوبه وخجوله جدا
وضحى اخر العنقود دمها خفيف اتحب الكل متواضعه حساسة جدا


عايلة بوعمر
بوعمر
ام عمر
عمر انسان طيب وايد حباب عصبي ما يسكت عن حقه خاصه اذا حد غلط عليه متهور وخريش وعمره 25سنه
سلامه 20سنه حشره ولسانها طويل بس حبابه مخطوبه من ولد عمها حمود


بسم الله الرحمن الرحيم


اتصلت امون بمريم بنت عمها علشان تبي اتروح السوق
امون:الووووووو الووووو السلام عليكم
نوف:وعليكم الثلام
امون:شخبارج نوفاني
نوف :ذينه انت منو
امون:انا عموه امينه وين عموه مريوم
نوف انذين بروح اذقرها
امون اتصارخ على فطوم ومنصور علشان يوطون صوتهم لانهم كانوا يضاربون
امون :فطوم ومنصور اسكتوا اشوي ابي اكلم البنيه منصور روحي لاه ما تشوفينها
فطوم حق منصور وهي تضربه على راسه صرخ عليها منصور ايه اتشوفيني قطو تضربيني على راسي
فطوم: قطو ولا فار ههههههههاي منصور غلسسسسه غلسه اقتلها الحين
امون : اتصرخ انشبوا انت ويها خلوني اكلم البنت والله انكم خبايل سكتوا
امون: اتشيل ايدها عن السماعه مريوم اتكون على الخط وتضحك بلاج محتشره
هذي شنقل ومنغل محتشرين ما علينا منهم شخبارج مريوم الحمدلله ما نشكي باس
مريوم:أنت شخبارج تمام عال العال :امون اقول مريوم ما بتروحين وياي السوق
مريوم: بلى بروح بس منو بيودينا
امون:منصور بيودينا
منصور سمعهم وقال اسف جدا اسمحيلي
امون:عن الغلاسه بتودينا
منصور ما اقدر ما اقدر بروح عندي شغل
امون :انزين نزلنا السوق قضي شغلك رد لنا
منصور اسمحيلي تبين حمد يذبحني
امون:انا بقوله لالالالا منصور: أسف ما اقدر أخليكن لروحكن
امون اترد على مريوم واتقول لها انه منصور بيوصلنا السوق
منصور :ايصرخ لالالالالالالالالا امون اتصرخ لمريوم بلى بنمر عليج الساعه 5 العصر كوني جاهزه اتصكر التلفون.
امون قعدت تقنع منصور ليما رضي يوديهم
وهم يسولفون اتوايج عليهم فطوم وين بتسيرون ومنصور ايقول لامون ما عليج منها طنشيها
فطوم :اذا ما قلتوا لي بخبر عليكم حمد
منصور :انت شيخصج ها مافي قولوا حقي امون خلاص فكينا بنروح السوق الساعه 5 كوني جاهزه
منصور ليش قلتي لها
امون: مب فايجت لك انزين قلت عادالحين
منصور:مابخليها تركب الرنج خلي حمد يوديها
فطوم:مايخصني بروح وياكم
منصور:خلاص فكينا اقول انا بطلع الساعه 5 ايكم تكونو عند الباب زين
امون :انزين خلاص روح
نزلت فطيم وقعدت عند امون يسولفو دخل عليهم حمد
حمد:السلام عليكم
الكل:وعليكم السلام
حمد:شخباركم وشو العلوم
فطيم:والله اوكي نحن تمام وكلنا بخير ومرتاحين بس ملل والله ملل
حمد :ايه ايه شوفيج تصارخي جنج عيوز ماكلين عشاها
فطيم انا عيوز يمكن مرتك
حمد:عيزحيلج وخري عن مرتي لاتيبي طاريها على السانج
امون :اواو هزبوها فطيم لقطي ويهج
حمد :خساره ماكوسوبر جلو
قعد حمد يقرض فطيم وهيه طايره ترد عليه وامون محايد مع هذا وهذا بعد ساعه سارو يتجهزو لروحه السوق الساعه 5 وصل منصور ودخل عشان يبدل وبدل وخلص وامون ما خلصت وحتشر عليهم نزلت فطيم وقالت امون ما خلصت بعدها امون كانت تحط اللمسات الاخيره تجحلت وحطت غلوس ونزلت منصور:خوزي عن بريتيني سبيرز ام حمد كانت قاعده عدهم منو هاي سبير بعد
منصور : اميه مو سبير سبيرز هاي مغنيه مشهوره
ام حمد :امحق مغنيه والله بلشه اليوم سبير وباجر مفتاح الله يعيني احسن اروح الغرفه اريح يالله دير بالك على خواتك زين
منصور انشالله فالج طيب اما طرت بيهم ما كون انا منصور ولد بو حمد
ام حمد ان طيرت بيهم طيرت راسك
فطيم :افا شعموك
منصور :ما بتروحين
فطيم :بل ما قلنا شي منصور
امون يالله انتي وياه مشو

في بيت بو عمر كان عمر في غرفته يناخر اتصل بيه ولد عمه حمود وشالله
عمر صوته كله رقاد :الوه
حمود الو عموووور قوم بسك ارقاد
عمر:كيف ليش انزين .....باي
حمود بيطلع من التلفون:شو باي والله ياعمر انا في الدرب وبسحبك من كشتك
عمر قام زايغ :شو شصاير
حمود صاير انك مواعد الشباب ولين احينه خامد قوووووووووووووم
عمر بل بل خيبه زين والله بقوم بيطلع من السماعه بيطلع يالله قلب ويهك بسبح وبصلي وعقب بيكم
حمود :لالالالالالالا مابروح اليوم سرعه زين
عمر::انزييييييييييييييييييييييييين
حمود :يالله باي
شوي وعمر بكوم من سريره دشت عليه سلامه بلسان ونص
سلامه كمن مساعه وانا ادق الباب وانت اصمخ والله الحين انت ما قايل لي اني اوعيك الساعه4 ونص وانا من نص ساعه واقفه على ريلي والله تعب شو ها
عمر:ايه شوفيج شيلي النعاله الى حذالج وفريني بها
سلامه وهي قافطه :محشوم محشوم
عمر:ما ادري عنج ماخذتني بشراع وميداف كفايه حمود
سلامه :ليش حمود اتصل بك وقومك من الارقاد
عمر وهو يسوي حركه بايده كنه يروغها :هيه يالله برع ابي اسبح يالله
سلامه اوكي خلاص

ومنصور بسياره حاط غنيه ميحد طال ليلي ويرقص وفطيم مخترشه وامون تقصر على المسجل ومنصور يطول امون:اصارخ منصور قصر فضحتنا وتكفخ فطوم على راسها انتي مو في البيت انتي بسياره يا انسه
فطيم:انزين ما راقصين بل
وصلو عند بيت عمهم وشافو وضحى ومريوم يتريونهم في الحديقه وضحه كانت متغشيه هي ومريم بعد
صعدو السياره ووضحى نزلت الغشوه علشان تعدل شيلتها ورفعت عينها على الجامه ويات عينه في عين منصور ونزلت راسها بسرعه وهي مستحيه منصور تم معلق عينه عليها وهي تغشت امون ادز منصور من جتفه هيه ضيقت بالبنت منصور سحب امون من عبتها وهي كانت ترمس مريوم امون تصدعليه بلاك اذيتني
منصور يه شوفيج الا اقول منو هاي وبوعليك تشوفها يايه مع مريوم يعني وضحه بنت عمي منصور :قولي والله امون والله بلاك اسكت ضيقت فيها يالله بسرعه ودنا علشان الشغل الي عندك منصور منو قال عندي شغل
انت مساعه ولانسيت منصور انا قلت علشان ما اوديكم امون يالله يا الجذب شوي وصلو السوق نزلو

عمر خلص واتصل لحمود علشان يروح وياه مافيه يروح بسيارته اول ما صعد حصل له هزبه من ولد عمه وبعدين راحو السوق
في نفس المكان الى كانت امون واخوانها واقفين شافهم عمر وقال يا عمري على الوردي شلي يصبرني أمون خافت من الى قال الكلام منصور شاف ربعه وسار عندهم وهم كملو دربهم وهم راجعين عمر صدم امون وطاحت الاغراض وامون قامت معصبه
بعد ما شلت الاغراض من على الارض التفت امون لعمر وقالت

امون: انت ما تشوف ولا عن قصد

عمر :السموحه اختي ما شفتج حصل خير
امون :وين اصرفها هاي السموحه وتلتفت على مريم وقالت السموحه ونه ههههههه
والله انك حقير امون ما مدالها تكمل ولاالكف يحن على ويها ووسط الجو المشحون وبدون حاسيه ردت عليه الكف
كان عمر برد عليها بس هي صرخت وقالت:ما تحط قوتك الا على الحريم

وشلت الاكياس وطلعت وحمود يرمس عمر
حمود:عمر ما يصح جيه فضحت الابنيه
ردعمر بعصبيه انت ما سمعتها شو قالت انا حثير انا والله لو ما الحشمه جان راويتها
حمود :انت قصرت بالابنيه عطيتها كف فر مخها
عمر:خل نطلع احسن
امون ما عرفت شو اسوي بس وعدت عمرها انها ما تصيح وصلت عند السياره وقفت شوي وصلو ختها وبنات عمها
ومنصور ما يدري بالسالفه المهم اتصلو فيه وياهموفي السياره فطوم الملقوفه فتحت السالفه وقالت فطوم لامون اول ما عطيتها الكف صار مثل الثور بهب عليج
امون: يستاهل الهرم
منصور :شعدكم شو السالفه
واخيرا تكلمت وضحه وقالت:فطوم سكتي منصور ما يدري .....................منصور تيبس من الصوت ولتفت هو يضحك وقال شسالفه وضحه ما قدرت ترد عليه لانها تستحي منه وايد
بس فطوم لاعيه ردت:امون هفت واحد بطراق دزتها وضحه وقلت انتي ما سكتي فطيم لا
وضحه لفطيم سباله
فطيم:جب انتي جب وامون ساكته ومنزله راسها قام منصور ورفع ويها يايدها وقال السالفه ما تسوى لا تكدري خاطرج........................بس مريوم هيه الي فاجئتهم وقالت هذا ربيع حمد اخوج امون امون من سمعت انه ربيع اخوها صخت وقالت في خاطرها احينه لو مريم ولا منصور بخبرو حمد اكيد هو ما بيسكت احينه شو الحل

وعند عمر الى هدى شو قال بس رغم الي سوته بس والله حلوه
حمود شو حلوه الى تقول لقمر خوز وانا اقعد محلك
عمر:والله لخبر عليك سلامه
حمود: والله ما تتكلم امس بزور رمستها انت شقايل لها
عمر يسوي عمره برئ :انا والله ما قلت لها بس قلت حمود ما يبغيج
حمود:ضرب ويل وهجم على عمر كفخه بعدين رد يسوق وقال هذا الي قاصر بعد
عمر:حمود الله يخليك وصلني البيت خربت مزاجي هالعله
امون اول ما وصلت البيت ونزلت سيده راحت على غرفتها رغم انه حمد وبو حمد وام حمد قاعدين
امون ما سلمت عليهم راحت غرفتها وقفلت على عمرها الباب
ام حمد :وعلى على بنتي شوفيها ما من عوايدها ما سلم
بو حمد :يمكن منصور مأذنها
حمد لالالالالا انا عرفها اذا منصور ضايقها بترد فيه شي ثاني
منصور وفطيم ياين من الحوش يترابعون وضحه وراهم تمشي فطيم يايه تصارخ ومنصور وراها
منصور:وقفي يالدبه يالفلبينيه والله لا اذبحج ويزعق وقفي
فطيم :حمد حمد الحقني شوف هالمينون
حمد شوفيكم تتواجعون ها
منصور هالدبه تقول انا ما انفع لشي
فطيم تضهر من ورى حمد وما كذبت
حمد وانتي بعد ليش تقولين له جيه ها
ام حمد :وانتو ما تقعدون الى لازم الضرايب وراكم
بو حمد :انتي ما تعرفينهم يعني
شوي وتدخل وضحه الى كانت واقفه عند باب الصاله والتفت لها منصور وقال لها تفضلي ليش واقفه
وضحه مشكور ودخلت بس فطيم سحبتها علشان توديها الغرفه مالها ومنصور يطالعها يقول ما عليه ولا راويج يا السوده
دخلت فطيم ووضحه الغرفه وصكت الباب وضحه بعدها واقفه
فطيم :انسه وضحه ما بتقعدي
وضحه:يا حلوه كله ولا الغمازات
فطيم :ها شو قلتي ما سمعتج
وضحه انتبهت:هاولاشي
فطيم :هالاهبل قطع شعري والله صرت قرعه بسبته
وضحه منو هذا
فطيم سقراط
وضحه :منو
فطيم :منصور الغلس
فطوم كانت تحوص في الغرفه ودور شيوسارت تحت الشبيريه وضحه ترمسها :فطيم
فطيم :شو شو تبين
وضحه: منصور فطيم تضرب راسها بطرف الشبريه تصرخ اخ شوفيه هالعله وضحه يلست تضحك على فطيم وقالت ما فيه شي
فطيم :والله يا وضحه ما عندج سالفه
وضحه :شكرا من ذوقج الصراحه وردت تضحك
وضحه :تدري انه منصور حلو
فطيم :نعن نعم انسه وضحه شو قلتي حلو

وضحه:هيه حلو
فطيم:اضاهر انج ملخبطه منصور شو فيه من الحلاه
وضحه انتي ما عندج نظر
فطيم :هيه ما عندي نظر زين حبيبتي بس لايكوني حبيتيه وحنا ما ندري
وضحه :شو فيها ولدعمي
فطيم:هههههههههههههههههههههههههه ولد عمج ها اوكيه
وضحه وصار ويها شرات الطماطه :جب انتي جب والله بعد بعد تضحك
فطيم :وضحه خليني ادور الالبوم وحنا كنا مسافرين لندن
وضحه: اوكي بكيفج دوري حياتي
شوي تصرخ فطيم هذو حصلته ما بغيت
وضحه :تعالي بطالع وياج
فطيم:اوكي
يلسو يطالعو يضحكو على حمد مصور هو طايح على الارض وامون خايفه من الكلب ومنخشه ورى حمد وحمد يضحك وفطيم متجمع حوليها الحمام وتأكله وهي خايفه ومنصور وراها يضحك شوي تيبسن فطيم وضحه من صوره
يلسو يطالعو يضحكو على حمد مصور هو طايح على الارض وامون خايفه من الكلب ومنخشه ورى حمد وحمد يضحك وفطيم متجمع حوليها الحمام وتأكله وهي خايفه ومنصور وراها يضحك شوي تيبسن فطيم وضحه من صوره
فقالت فطيم : من وين يت هذي الصوره انا اول مره اشوفها
وضحى :وهي منصدمه من الي شافته معقوله منصور ايسوي جيه لا ما اصدق لالالا منصور لا ما ايسويها
فطيم: اترد لوضحى مب عارفه شترد عليها انا لروحي مستغربه بسير اسأله بقوله منو هذي
وضحى اتير ايد فطيم وين رايحه انت
فطيم بسير اسأله واقوله ليش تسمح لنفسك انك اسوي جيه ما تستحي على ويهك
وضحى :وليش تسأليه هو ريال ايسوي الي يبيه
فطيم :شو ريال هذي تسميها رجوله
وضحى:واهي اصيح ابي ارجع البيت
فطيم: ليش توج يايه بتسيرين بهذي السرعه هيه تعبانه اشوي احس راسي يعورني شوفي حد ايوديني
فطيم: انشالله بس على الاقل تعشى عقب بنوصلج
وضحى:لا اسمحيلي والله فطيم مالي نفس الله يخليج
فطيم :اوكي وهي نازله شافت حمد فقالت له انه وضحى تبي ترجع البيت
حمد :متعجب ليش توها يايه خلها تعشى عقب بوصلها
فطيم :مب راضيه قلت لها
حمد اوكي قولي لها تنزل وبوديها
فطيم اوكي رايحه دخلت الغرفه وقالت لوضحى يالله حمد بيوديج
وضحى يالله مشكوره فطيم
فطيم:بس يا وضحى انت غلطانه
وضحى ليش انا شسويت فطيم ولا اقولج خلاص خلاص
المهم نزلت وضحى هي وفطيم وظهر بويهم منصور وهو يضحك
منصور: وين توها الناس
فطيم:تعبانه تبي ترد البيت
منصور:انا ما سألتج انزين
وضحى: :يلا فطيم مشينا
منصور: مستغرب بلاها هذي ليش تطالعني جيه انا قلت لها شي غلط
منصور ي:ينادي فطيم :لحظه اشوي وقفت فطيم ها شو بغيت ماشي بس بلاها وضحى اترد علي جيه اشوي و بتضربني
فطيم: وهيه لاويه حلجها ما ادري
منصور: سأليها انزين وبلاها هالحركات
فطيم: مب الحين بعدين الحين اهيه تعبانه يالله باي
منصور: باي
منصور: يزقر على امون فظهرت له من المطبخ ها منصور شو فيك محتشر
منصور: انتي وين
امون: انا بالمطبخ تعال
منصور: راح لها شسوين ما تشوفني شقاعده اسوي بلى بس ما يحتاى اتكملين
امون: ليش
منصور: وضحى ردت البيت
امون: شو متى وليش
منصور::توها ويها متغير وجنها صايحه
امون: بسم الله توني شافتنها تضحك بلاها الحين
منصور: علمي علمج
امون:ظهرت من المطبخ بتسير تتصل
ولا فطيم بويها ليش وضحى سارت البيت بلاها
فطيم: بعدين بقولج
امون: اتقول بخاطرها الظاهر هذا اليوم نحس عليه وعلى وضوح
دخلت امون المطبخ اتشوف الطباخ وعقب ما خلصت صعدت غرفتها تسبح من ريحة الطباخ وصلت
نزلت تحت لانه ابوها زقر عليها تنزل تتعشى وقعدت حذال فطيم ويلست تلرمس معاها شو فطيم يابت سيره الضرابه في السوق امون:انتي مالج شغل انا صفعته علشان يحترم نفسه وما يمد ايده على عيال الناس
فطيم بدون قصد:يستاهل يوم رديتي عليه الصفعه
امون غصت بالقمه وتمت تسعل بقوه وحمد بعد انصدم وغص بلقمه منصور شات فطيم من تحت الطاوله
فطيم :مالت عليك يالدفش شفيك تشوت
منصور:سكتي احسن لج وقته الحين تلعين
فطيم:اوه نسيت والله انه ربيع حمد قعدت تطالع حمد
منصور:حط ايده على راسه الله ياخذ ابليسج حزتها الحين زدتي الطين بله
حمد :قعد يطالع اموت بعصبيه اشوي يبي يضربها
امون :من شافت نظرات حمد لها قامت من مكانها صعدت فوق
منصور:ويبي يلطف الجو اشوي : حمد ليش ما تاكل ها اكل
حمد: وانت شعليك تسممت ولا ما تسممت شيخصك بطني ولا بطنك
منصور: بل شب ضو لا تاكل صوم
حمد: وهو معصب من منصور منصوووووووووور
فطيم لمنصور بلاه حمد جيه
منصور : سكتي عن الحين ايقوم ويضربنا
بوحمد: بلاك يا حمد ما تحشمني
حمد :اسموحه ابويه حقك علي بس هذا طلعني من طوري
ام حمد:غربلاتك يا منصور اشفيك على اخوك
منصور:انزين انا شقلت الحين
ام حمد:خلاص خلاص اكل وفكني من حشرتك
فطيم:اوء اوء هزؤوه
منصور جب انتي
حمد: عن اذنك ابويه
بو حمد ما كلت شي
حمد:مالي نفس ابويه
ابو حمد الي يريحك يا ولدي
ام حمد:منصور غربلاتك حرمت اخوك من لقمته
منصور:امايه انا ما قلت شي هو بروحه شاب ضو
حمد : بعد ما قام من على العشى راح صوب امون ودق عليه الباب وخل بعد ما قالت له امون انه يدخل
ادخل يا حمد الباب مفتوح
لم دخل قال لامون شو الي سويتيه اليوم ها ما تستحين
امون :انا ما سويت شي
حمد لامون ما سويتي شي بس ضربتي الريال
امون: وهو ما يستحي ايمد ايده على حرمه
حتى ولو غلط المفروض ما تسوين جيه
امون اسفه ما اقدر ما احب حد ايمد ايده على ابوي ما ضربني يضربني اهو ايخسي الى هو
حمد بعد اتقولين جدامي جيه
امون انت ترضاها لي يعني ولا شو
حمد: لا طبعا بس مب جيه اسوين
امون عيل اخليه يضربني وانا ساكته لا ما كفاه كان يبي يضربني مره ثانيه لو ما قلت له حاط قوتك على الحريم بس
حمد خلاص خلاص من اليوم مافي روحةسوق ولا شي
امون :اسفه اشور شور ابوي وانت مالك خص فيني تسمع ولا
حمد لا والله الظاهر تبين ضرب انتي
حمد وهو يصرخ على امون وماسك ايدها
انتي تبي حد يربيج يا قليلة الادب
ولم سمعوا الصراخ صعد ابو حمد ايشوف شسالفه ودخل الغرفه حمد شقاعد اسوي بأختك ها ما تستحي وامون اتصيح
ابويه بنتك ما تستحي اليوم ضاربه ريال بالسوق تفاجأ من كلام حمد
ابو حمد صح الي قاله اخوج
امون وهي اتصيح صح ابويه بس هو الي مد ايده علي عقب انا صفعته
الحين حمد ضربني علشان هو ربيعه الى ضربته انا
فلتفت ابو حمد حمد مب من حقك اتمد ايدك على اختك انا مت علشان اتسوي بها جيه
لم بموت سوي الي تبيه سمعت ولا
حمد الله يعطيك طولت العمر ابويه بس ما يصير تضرب الريال عيب
خل يتأدب بنات الناس مب لعبه علشان يضربهن زين سويتي بس يبوج لا تعيدينها مره ثانيه
امون: انشالله ابويه

ظهر حمد من غرفة امون وهو معصب
امون قعدت اصيح


وفي بيت ابو يوسف
وضحى من يت من بيت عمها دخلت غرفتها اتصيح وما رضت تنزل تتعشي استغربوا منها فسارت لها مريوم اختها اتشوفبلاها ما نزلت تعشى ب وضحى ما رضت اترد فراحت ادق تلفون حق امون تبي تعرف شو بلى اختها اصيح دقت عليها بس محد يرد فقالت انه بتتخبرها باجر الصبح
والصبح الساعه 8ونص الكل قاعد بصاله وتنزل وضحى وعيونها متوروه من كثر الصياح فسلمت وباست راتس ابوها ومها وقعدت فقال لها ابوها بلاج يا بنتي امس ما نزلت تتعشين
وضحى ما كان لي خاطر ابويه راسي يعورني
بو يوسف سلامتج يا بنتي
مريوم:بلاها عيونج ميفنه جيه
وضحى :يعني اتشوفيني قايمه من الرقاد كيف تبي عينها اتكون عيون غزال
مريوم :بسم الله الرحمن الرحيم خذيتيني بمشراع وميداف ما قلت شي انا
ام يوسف :بلاكن انتن جيه تضاربون ومن الصبح بعد
اسموحه اميه هذي وضحوه مشتطه ما ادري شو بلاها اليوم ما كله فلفل
وضحى :كيفي اتي مالج شغل زين
مريوم انزين الشره علي انا اسألج شو بلاني
وضوح والله من طلبت منج
مريوم بسير اتصل بأمون بشوفها امس دقيت لها ما ردت عليه
قامت تتصل فشاله حمد:الو السلام عليكم حمد وعليكم السلام
مريوم وهي مستحيه هلا حمد اشحالك
حمد دامي سمعت صوتج انا بأحسن حال
مريوم:انشالله دوم الغالي مب يوم
وياج فديتجوالله استحت مريوم
فقال حمد فديت الي يستحون فردت عليه مريوم حمد عاد
خلني ارمس خير حبيبي قولي شو تبين امر بس تدللي
ما يامر عليك عدو حبيبي بس بغيتك تزقر لي امون بغيتها اشوي
حمد ليش شو تبينها
مريوم:ابيها يالله نادها اشوي اوكي دقيقه حمد راح يزقر امون ولا هي نازله من فوق هلا حمد بغيت شي هيه تلفون حقج
امون انا هيه انتي وبهذا الوقت هيه غريبه
حمد لا غريبه ولا شي هذي مريوم بنت عمي تبيج
امون هيه اوكي مشكور
شالت التلفون قعدت اسولف اهي وياها شو سوت شز قالوا لها عن سالفة امس وخبرتها عن كل شي
بعد مريوم سألت امون بلاها وضوح اصيح امس
امون والله ما ادري بس فطيم تدري بشوف شو سالفتها وبرد عليج
مريوم :انشالله يالله عيل اخليج الحين بس قبل لا تصكرين سلمي على عمي وخالتي
امون :منو بعد
مريوم عن الاستهبال انزين امون انزين خلاص بسلم على حمد بعد مريوم لا والله ما قلت لج اتسلمين عليه اوكي اذا قال لي حمد شو اقوله لا تقولي له شي انزين بقوله قلت اقلب ويهك
مريوم : جب انزين جب ما قلت جيه انا
انزين خلاص لاتعصبين مرت اخوي اسموحه وهذي بوسه بنصالج
مريوم :ما ابي من شي قلبي ويهج يالله باب امون باي
قامت امون بتسير لفطيم تتخبرها شو سالفة وضحى
بعد ما سكرت امون عن مريم سارت لغرفه اختها وكانت قاعده على النت دقت الباب
فطيم :تفضل
امون توايق براسها وهي تبتسم :فطوم شقاعده سوي
فطيم:نعم شهالابتسامه الحلوه نعم اخت امينه بغيتي شي
امون طلعت طقم اسنانها :فطيم حبيبي وضوح شوفيها ماقعدت في البيت وطلعت اصيح
فطيم وهي مرتبكه ترمس عمرها :شاقول لها هاي
امون وهي تهزفطيم:الووووه شفيج صخيتي ها
فطيم :تعرفين ربيعتنا الي تقعد جنب وضوح بتخلص السنه وبترجع عند ااهلهافي عيمان علشان جيه هيه زعلانه وتصيح
امون متشككه:اكيد يعني منصور ما ضايجها
فطيم :وهي تتلعثم وش وش دخل هالدعله
امون اطالعها بنص عين :فطوم قولي الصدق
فطيم:ترى اقول الصدق بلاج مالي مصلحه في الجذب
امون :انزين خلاص
فطيم:يالله طلعي برع ابي اكمل شغلي
امون :تطرديني يالفلبينيه ما عليه جان ايب لج باسكن روبن
فطيم من سمعت باسكن روبن قالت :امون انا ما قصدي اطردج بس يعني
امون:ماشي لايعني ولا جني ما بيب لج
فطيم :عادي بقول لحمد يب لي
امون :حمد مشغول ما بيفضي يجهز حق عرسه
فطيم :ليش هو متى عرسه
امون :افا اخوج وما تعرفين متى عرسه
فطيم :قالو بعد شهر ونص يعني بعد الامتحانات نص السنه صح
امون:شاطره ما شالله عليج ذكيه
فطيم :امون نحن ما سوينا شي حتى تفصيل ما فصلنا شو رايج نروح الشارجه او دبي علشان نفصل
امون:لالالالالا شو ما عندي سالفه اروح الشارجه واخلي نكولا جبران روحي لاه
فطيم:هيه والله صدقي ما خطر على بالي منسير أبوظبي عند نكولا جبران
امون:انا بنزل اقول حق امي تقنع منصور لانه حمد مشغول بتي ويايه
فطيم:اكيد
نزلت فطيم وامون تحت شافو منصوروامه قاعدين يطالعو التلفزيون الام تشوف حلقه وتصيح ورى البطله ومنصور ميت ضحك على امه
منصور:اميه هذا تمثيل والله ما بتموت
ام حمد:وعلى عنها ما تشوفها كيف مربضه والله كاسره خاطري
منصور:اندوج كلنكس والله ما بتموت باجر بطلعونها حيه صدق
ام حمد:انت ما تشوفها بتموت كيف بطلعوها باجر قم انت ما تعرف شي
فطوم وامون دخلو الصاله شافو امهم تبكي ومنصور مغطي ويه بالسفره وهو يضحك
امون زيغانه:امه خير شصاير
ام حمد:مسكينه ماتت
امونوالدمعه في عيونها:منو مات
منصور من تحت السفره يرمس :كانت طيبه والله الكل يحبها
فطيم:منو انزين وهي شوي وبصيح
ام حمد:صدق طيبه الكل يحبها وانا حبيتها بعد وعلي عنها راحت وخلت عيالها
امون :وهي تصيح منو هاي
منصور وهو ميت ضحك:هاي البطله الى في الحلقه
امون وفطيم سكتو ما مستوعبين الى صار امون أي حلقه
منصور:هذا المسلسل الى تابعه امج الي معيود ميت مره وهي تقول يديد
امون وفطيم انفجرو من الضحك والام تشاهق من البجي ذابحه عمرها
امون:اميه والله خرعتيني وعلى بالى صج بس لو حد منا الى مات ما صحتي هالقد
ام حمد:بسم الله عليكم من الطاري الله يغربل بليسج شو ها الرمسه والله ان عدتيها فلعتج بالفنيال في نص عينج
فطوم ومنصور:وييييييييييييييييييييييي هزءوها
امون:اصلن امي تمصخر ويايه
منصوروهويضحك:فطيم شوفي امون كيف ترقع حق عمرها وههههههههههههههههههههههههههه امون لقطي ويهج
فطيم وهي تضحك :دايما يفشلوها مسكينه هههههههههههههههههههههههه مشكله
امون:يمه شوفيهم
ام حمد عاطتنها بو لابس اطالع المسلسل
منصور وفطوم:وههههههههههههههههههههههههههههههههههههههههههه لبسوها احسن هناك
ام حمد:سكتو ابي اسمع المسلسل
امون تضحك بصوت واطي:ههههههههههههههههههههه سكتوهم الله يغربلكم نسيتوني شو كنت يايه اقول لامي
ام حمد:خير بنتي بغيتي شي
امون :هيه امايه بغيت حد يودينا ابوظبي عسب انفصل فساتين حق عرس حمد
منصور من سمع طاري السيره مشى على اطراف اصابعه بس امه شافته وقالت منصور بويه ودهم صوب يبغون
منصورفي خاطره شيت شافتني شو يفججني منهم: انشالله امايه متى بتروحو
امون: باجر انشالله اذا ما مشغول يعني
منصور :افا عليج تلمري بس يالله شي في خاطركم شي من صوبي
امون :مشكور الغالي
منصور :فوداعه الله
فطيم :هيه انا بغيت منك شي
منصور:خير شو بغيتي
فطيم:بغيت باسكن روبن اذا ما عليك عباله
منصور :افا ما طلبتي الغاليه يبي بيزات
فطيم:منصور عن الغلاسه
منصور:مسكين يبي بيزاتج بشتريلج انا ما عندي مفلس
فطيم:اذا ربعك طلبو منك ضربت رقبتك وقلت ارقبتي سداده وانا اختك تبي مني بيزات
امون:بل لهمته
منصور:بس خلاص بيب لج الي تيبه بس حبيت اطفربج يا الفلبينيه
فطيم: وبوزها واصل للباب مالي شغل
منصور :والله الغلى اتمصخر وياج والله
فطيم وهي تضحك :والله ما اقدر ازعل منك احبك والله
منصور والغرور واصل:مشكوره لاني حلو واجنن
امون وهي تتلفت: منو حلو
منصور وهو مطلع طقم الاسنان انا
امون:وع امحق حلى
منصور: خلي الخسف يوديج السوق باجر
امون:انت احلى واحد في البيت أي بيت في الكون كله
منصور:ناس ما تي الى بالعين الحمرا
فطيم :حمرا ولا خضرا هههههاي
منصور وهو منقهر صرخ:غلاسه
فطيم :شكرا
ام حمد تبي تسمع الاخبار عقب ما خلصت الحلقه :انت ما كنت بتظهر ليش ما ظهرت يالس تناجر خواتك يالله روح
منصور:افا تطرديني ياام حمد بروح وما راد لاتسالون عني
ام حمد : جيه شعنه تروح وما ترد
منصور:طردتيني
ام حمد :عن البزى انا قلت لك روح صوب تبى ما طردتك
منصور:انزين هاي طرده
ام حمد تقوم تبي تروغ منصور منصور ربع برع الصاله وصك الباب وهو يضحك وسار عند ربعه

امون راحت تتصل لمريم علشان تخبرها بالي قالته لها فطوم تتفق ويها على طلعه علشان يروحون يجهزون للعرس
الرجوع الى أعلى الصفحة اذهب الى الأسفل
عذبة الاوصاااف

avatar

عدد المساهمات : 153
تاريخ التسجيل : 02/09/2011
الموقع : -

مُساهمةموضوع: رد: ... اراضيكم بعد رد اعتباري ...   الإثنين سبتمبر 05, 2011 12:39 am





في دبي وبتحديد بيت بو عمر سلامه كانت ترمس ربيعتها شذا وبدخلت عمر وهو يغني حق عيضه تدري اني موت احبك واني مالي غير حبك وهو يلو على امه والي ينبض وهو يحط ايده مكان قلبه ويقول ماهو قلبي هذا قلبك ام عمر : فيدتك والله هذا حقي
عمر:عيل لين منو سلامه اكيد لج
ام عمر:لاخليت من صوتك والله
سلامه سكرت عن ربيعتها وقالت :كني سمعت صوت عبد السلام الدريول يغني
ام عمر :منو عبد السلام
سلامه الدريول لاه
عمر :والله احلفي انتي بس اصلا انا صوتي ولا اروع لكن انتي وريلج اعوذ بالله ما ادري منو محسبه عمرج ام حنجره ذهبيه
سلامه فديتني والله انا وحمود والله صوتنا حلو
ام عمر:ما ادري منو انتو لاكون ام كلثوم وعبدالحليم انتس سلاموه الملسونه ووريلج حمود الخبله
سلامه:افا والله اميه قلت بتعاونيني
ام عمر :علشان تيوزين عن اخوج
عمر:علشان لاتحطين راسج براس معازيبج
ام عمر وهي تنازع عمر:عطيتك ويه وايد انا سود الله ويهك هاي اختك عيب اتقول جيه
عمر:بلاج اتمصخر انزين بل
سلامه وهي تضحك:وههههههههههههههههههههههههههههههههههههههههه هزبوه عمر عمر لقط ويهك وسخ الصاله
عمر وهو يسوي عمره معصب:سلاموه سكتي عني وقام عنهم
سلامه تركض وراه على بالها زعل مسكت ايده
سلامه :فديتك لاتزعل اتمصخر والله
عمر وهو يضحك :انا اقدر ازعل على الغاليه
سلامه:عيل ليش قميت توك واصل
عمر:مواعد حمود بروح العين عند اربيعي بيعرس وانا بروح عنده
سلامه :يعني هذا الاسبوع عرسه
عمر : انتي خديه قلت لج يجهز ما قلت عرسه هالاسبوع
سلامه اها اوكي وهي تنزل زقرها عمر وقال لها سويلي بخور بتدخن اوكي
سلامه:اوكي
عمر صعد الغرفه ويا على باله امون
في اليوم الثاني منصور شال البقعه فوق راسه

منصور :امون الفلبينيه يالله بطيت تو الريال مواعدنه العصر هبابنا نوصل
أم حمد : انت شفيك محتشر عليهم
امون نازله من فوق وهي تهز راسها :منصور شفيك نحن جاهزين بس فطيم تعبانه كنها الى بزجم منصور:أفا وساكتة خوزي عن دربي
منصور صعدفوق ودق باب الغرفه توايب فطيم وهيه تصيح
فطيم ادخل الباب مبطل
دخل وشافها لابسه بس مو رايمه تتحرك منصور:افا والله الغلى فيني ولافيج الغاليه
فطيم: بسم الله عليك لاتقول جيه
منصور :شوفيج
فطيم وهي تصيح :ما ادري بس احس راسي بينفجر وبلاعيمي تعورني
منصور:كله من الباسكن الي لطمتيه البارحه ماكله سهمي وسهم امون
فطيم :يعني ما بتوديني
منصور:بلى وبمسكج علشان ما طيحين
منصور يقوم فطيم وقال : ممتنه فطيم كسرتي ظهري
فطيم :حرام عليك وين انا ممتنه
منصور وهو يضحك :اعرف اسولف وياج
نزلوا فطيم ومنصور وكانت ام حمد بعدها قاعد ه ومن شافت فطيم حطت ايدها على صدرها وقالت
ام حمد :وايه عليج فديتج شوفي كيف ويهج مورم لاتروحي دام انج ميهوده
فطيم ادزمنصور علشان يقنع امه منصور :لا امايه بس اشويه تعب ما عليج
ام حمد :لا ما شي ماتروح اخاف يزيد عليها المرض وهاي اخر العنقود لالالاماتروح
امون :وعلايه انا ملقوطه من الزباله محد يسأل عني
منصور وهو يضحك:يعني انتي ناسيه أمي اذا السالفه فيها فطيم تنسى الكل
امون بشكل يضحك توقف وطالعهم وهي مصغره عيومها الكبار :شو رايك نخطفها ونغتالها
منصور :يالله انا بلهي امي وانتي خذيه وروحي السياره
حمد وهو توه داخل الصاله :منو بتغتالون
أمون :هاي البزايه فطيم
حمد :لالالا كله ولا فطيم خل عنكم
أمون :منصور لم ثيابك وانا بعد
منصور :ليش
أمون :بنطلع من البيت
منصور يمسك ايد فطيم :لالا انا ما استغنى عن فطيم فديتها ولا عن العصبي ولا عيوزي
حمد :منو العصبي
منصور: واقف عند باب الصاله بعد ما دز فطيم على امه :انت بعد شو
حمد :سودالله ويهك عطيت ويه وايد اوقف والله لا تشوف حمد يطلع ورى منصور شوي ويدخل ماسك منصور من اذنه
فطيم سارتا عند حمد وقالت وهيه تضحك :خله حرام
منصور :اخ والله يعور بطل والله اذني بي في ايدك
حمد قال انت وين بتروح من ايدي
ام حمد يا وليدي هده عطلته
حمد: ليش يبروحوا مكان صد على خواته شافهم لا بسين وانتوا على وين انشالله
امون:بنروح بوظبي علشان انسوي فساتين لعرسك
حمد :يعني العين مافيها خيايط
فطيم بصوتها تعبان :لالا ابو ظبي فيها مصمم غير شكل حلو
حمد:والله انتوا الحرمات دلع على الفاضي الا فطيم شوفيج تعبانه
فطيم :لالا تعب خفيف وبيروح

ام حمد :لالالالالالا شو تعب خفيف جاد الى بلاعيم وانتي بتروحي
حمد :اذا تعبانه لاتروحي
فطيم: كل شي عشانك يهون
حمد:تسلمي فديتج يالله روحو عن تتعطلو
منصور: هو ماسك اذنه :والله لوديهم بوظبي وارجع عنهم
حمد :سواها وشوف
منصور:لا تخاف بايع عمري انا كان مسكني ابوك وسحبني بالبيكاب
حمد :وانا وراه بالكروزر والله اطير راسك
امون مع فطيم::بسم الله عليه
امون :حرام عليك حمد شكلك سفاح
فطيم :قتلوني بعدين هو
منصور:يسوي عمره يصيح كما ادري اني غالي لهدرجه
ام حمد :واكثر يالله هبابكم توصلون مواعدينها العصر
امون تير فطيم ومنصور تقدمهم
اشوي ايدق تلفون حمد وكان على الخط عمر
حمد:هلا والله بالغالي هلا عمر وتصخ امون وتطالع حمد ارتبكت ومسكت فطيم وظهرت ويها تغير شكله
فطيم:بلاج امون اتيريني جيه اشوي اشوي
امون:ها لا ماشي بس تأخرنا الحين بيحتشر علينا منصور
فطيم: لا مو جيه انت من سمعت اسم عمر تغيرتي جيه
امون: لا يتهيألج اصلا
فطيم: اوكي ما علينا يالله نروح
طلعت امون هي فطوم وسايرين صوب السياره وكانت موقفه برع عند الباب وكان مصور يباغم في التلفون
منصور:انزين عبود انا اليوم ما بقدر أي عندكم في الميلس
عبيد :افا ليش شي صاير عندكم
منصور:لا بس مودي الاهل أبو ظبي يفصلون حق عرس اخوي
عبيد :هههههههههههههههههههه شبكوك
منصور :شنسوي بعد
امون حرقتها الشمس ودز منصور :ايه صطلخنا من الشمس
فطيم:هيه والله الشمس حرقتنا
منصور يحمر اعيونه علشان يسكتو
امون:انزين بطل البا ب مال السيارة
منصور طلع السويج من مخباته وفتحها بالرموت وصعدت فطيم وهي تقول واخيرا والله بطيح من طولي
منصور سكر التلفون وقال :السموحه فطيم نسيت انج تعبانه
فطيم: لا عادي فديتك بس حترقنا
امون:شو حترقنا الى شوتنا الشمس والله حترقت والله اف
منصور : شفيج محتشره جنج عيوز ماكلين عشاها
امون بنص عين:نعم سيد منصور اشوفك زودتها اقولك سوق سوق هبابنا نوصل
منصور:انزين انزين
منصور حطا الغزال الشمالي لميحد وبدى يول في السياره وفطيم تنعش رغم انها محمومه بس لازم تفرفش وامون تهز راسها وتقول الحمد الله والشكر :ايه انتي ستخفيتي نحن في سياره هب في البيت فطيم قفطت ونزلت راسها ومنصور عناد زاد الرقص وما انتبه لسياره الي قدامه امون:منصوررررررررر سياره منصور من الربكه ضغط بريك سرعه ودز في السياره بس ما تعورت السيارتين ونزل الشاب الي في السياره وان باين عليه انه ايصيح منصور دقق وشاف انه ربيع ونزل ورمسه ويا ضايق خلقه وسألته فطيم :منصور بلاه ربيعك
منصور:مسكين الى يحبها تزوجت ومتصله تعزمه والله وقحه
امون : مسكين والله الله يعوض عليه
منصور:معني توني مسكر عنه ما قالي واله بوصلكم وبروح له
امون :اوكي يالله انزين ليش موقف نص الدرب بغينا اندقه
منصور: انتي خديه كيف يسوق وهو تعبان جيه يتريا اخوه ايه
فطيم تتخيل شكله وهو يصيح كسر خاطرها وحست انه الحزن الي فيه مو بس عسب انه حبيبته تزوجت تمت سرحانه وتفكر وامون ترمسها وهي ساكته وامون مهوره :ايه انتي انا ارمسج شو لون القطعه الى بتاخينه
فطيم:شو شوفيج محتشره
امون:لا ماشي بس سالت سوال وما يحتاي اعيده
فطيم :شكلي بشتري قطعه مزيجها لونين هي اصفر دخاني وانتي
امون:انا ابغي قطعه ورديه مع ابيض يقولون وايد حلوه
منصور ضيق من رمستهم :انتو ويها ما لقيتو غير هالرمسه
امون :والله عن شو تبغينا نرمس
منصور:أي شي
رن تلفون منصور وكان حمد الي داق
منصور :مرحبا بو جسيم
حمد :مرحبا باجي
منصور :بغيت شي
حمد :بغيتك عقب ما ترد من عند الخياط بغيتك تمر العزبه وتشوف الذبايح اذا ناقصنهم شي انا ما اقدر اروح عندي ميت مليون شغله
منصور :انشالله بخذ البنات ويايه ونراويهم بجرتي ماسه
حمد :تمام عيل يالله فوداعه الله وعن السرعه
منصور:انشالله يالله باي
منصور:والله براويكم بجرتي ماسه والله ماسه
فطيم :ابويه انا بتم في السياره انا اخاف من الرجاب
منصور:وهههههههههههههه حد يخاف من النوق
امون:هيه والله انا ما اخاف منها بس اخاف من حلجها
منصور :ماعليكم براويكم اياها من بعيد فطيم وامون مع بعض :اوكي تمام
وصلو الجماعه مكان المصممه وسارو قصو القطع وختارو الموديل وخذو المقاسات
وطلعو راحو صوب السوق وفطيم كانت وايد تعبانه والحرارة وايد ارتفعت امون ماسكه فطيم وتتصل لمنصور ورد لهم شاف حال فطيم وطلعو بسرعه من السوق وراحو العياده قالت لهم الدكتوره انه الحراره39 وهي وايد تعبانه عطتها ابره وردو فطيم كانت راقده في السياره وامون ومنصور نزلو العزبه وشافو الذبايح والماسه وردو شافو فطيم قايمه ومفوله عليهم
فطيم :جيه رحتو اروحكم امره من شفتوني رقدت ربعتو تشوفون الماسه ما يخصني ابغي اشوفها يالله
نزلت فطيم وشافو الماسه منصور خذ له حليب نوق وقعد علىالعرقوب يشربه وفطيم قعدت حذاه وامون ترمس مريوم
امون:والله شفت لج ذيج القطعه رهيبه
مريوم :شو لونها
امون:اصفر دخاني عجيبه خذت منها انا وفطيم كنت بشتري وردي بس عجبني الاصفر فخذتها بس والله حلوه
مريوم:الله يا الخيانه سويتو ما خذتونا معاكم
امون:انزين انتي بلاج مشتطه باجر روحي بوظبي خلي بو نوف يوديج
مريوم: عيل باخذ شورج اكيد بسير بس ما اقدر استغني عنج لازم اسيرين ويايه
امون:اقول انا الحين بسكر عنج لاني في الغزبه بوصل البيت بدق لج
مريوم :اوكي ايم ويتنج
امون اوكي
في دبي
عمر يعابل السويت باج ماله لانه بيطلع العين بيت ربيعه حمد وتدخل سلامه على اطراف اصابعها وتصرخ
سلامه :بووووووووووووووووووه
عمر ينط فوق وينزل تحت ويصرخ :الله ياخذج خرعتيني والله بشيب بل سكنيه من وين دخلتي
سلامه طايحه على الارض من الضحك مارايمه ترمس وعمر عصب منها
عمر :سلاموه يالخبله والله طيرتي فوادي حرام عليج وتضحك الهبله ويمسكها من ايدها ويطردها برى الغرفه وقال لما بتحترمي نفسج وبسكتي ذيج الساعه بدخلج سلامه لما شافت اخوها معصب حده سكتت وقالت امي تقوللك يوم الخميس الصبح تعال علشان تاخذنا العرس
عمر :انشالله والله ما نسيت
سلامه :مانسيت شي
عمر:سفرتيه البيج ما محصلنها وينها
سلامه :ينمكن في الكبت لحظه بشوفها و
سارت سلامه وطلعت له الي بيبغيه جهزت له اغراضه وعمر شال السويت باج وطلع وسلم على امه ومسك خط دبي العين رايح صوب بيت حمد وهو عارف انه امون اهناك ويخطط لشي بس شو هو بنعرف في الجز الياي


بعد ما صلى عمر الظهر ركب سياره الاكس فايف الأسود ومسك خط دبي العين رايح بيت عمر وفي نص الدرب اذكر كيف عرف ان البنت الى ظاربتنه هي نفسها اخت اربيعه وخذه الفكر لليوم الى عرف فيه صاحبت الكف

تذكر لما واعد حمد في السيتي سنتر اول ما دخل عمر الستي سنتر اتصل لحمد وقال له انه في الطابق الثاني مع اهله
حمد اتصل لعمر
حمد :الووووووو ها عمر انت وين
عمر :انا في الطابق الأول عند الوكاله قاعد اطالع السيارات انت وين
حمد:تعال شو سوي هناك يالله انا في الطابق الثاني اترياك
عمر:تمام احينه ايك
عمر سار الطابق الثاني وتم يتلفت يدور على حمد واتصل فيه وهو مصدع
عمر :انت وين يابوي والله صدعت
حمد :انا عند محل العبي وا اعرف شو اسمه تعال انت
عمر :اوكي
وصل عمر وشاف حمد معصب وضيق سوى مثل الانفجار بووووووووووووو حمد فاج عينه على الاخر :عمر بلاك
عمر وهو يضحك :شفتك وارم شوي وبتنفجر سويت مثل الانفجار علشانك
حمد :هههههههههههههههههههههه والله مضيق ما احب سيره الحريم ظيقه ياليت خليت منصور ايبهم
عمر :هههههههههالله يعينك
حمد انا بروح ارمس الاهل شوي انت روح الكفي واطلب لنا شي والله مصدع
عمر لالالاانا بترياك لانك ان غطست ما تطلع الى بطلعه الروح
حمد هههههههههههههههه تمام عيل
سار حمد عند امون وقال لها
حمد :امون بتخلصو دقو لي لاني بكون عند اربيعي في الكفي
امون :اوكي
أم حمد :منو من ربعك ياي هنيه
فطيم :وانت امايه ليش اسأليه عن ربعه لازم يعني
أم حمد :شو هاللقافه وانتي شي يخصج سكتي انتي بس سكتي لا اعطيج بالهاند باج على راسج
(
عيوز شو عرفها بالهاند باج الله يغربل امون ) حمد يقول بخاطره
امون:اوه اوه هزؤها وفطيم :جب انتي جب وسارت عند الشيل تقلبها بقهر
سار عندها حمد :فطيم فديتج نحن في سوق هدي
أم حمد :ماقلت لي منو من ربعك
حمد :ربيعي مال دبي يالله بروح
امون :اوكي بتصل لك
عمر تم واقف مكانه مو مصدق الي يشوفه حمد يرمس البنت الى صفعتني
مو معقوله لتكون اخته هيه والله انها اخته ما توقع انه البنت تكون اخت ربيعه
حمد يحرك ايده على ويه عمر :الوووووووووو هيه عمور شوفيك

عمر يبي يغير الموضوع :طافت عليه غرشوبه وشلت عقلي وحواسي اه يا بو جسيم
حمد :لا مو صحيح هههههههههههههههههههه وكنت تضحك عليه يوم ارمسك عن حرمتي تقولي مينون
عمر :وبعدك مينون هههههههههههههه اذكر يو تسرح فيها كنت دايم تفج الحلق ما سكره
حمد تفشل :وين تبى ما فجيت حلقي
عمر :بيب لك دليل سأل حمود كان وينا
حمد :بس خلاص بل
عمر هههههههههههههههههههههههههههههههههه
حمد :اضحك بيك يوم وبتكون نفس واكثر يالله طوف تراني يوعان
قعدو شربو قهوه وكلو كيك دقت امون وروحو
انتبه عمر على انه وصل بيت اربيعه ودق له تلفون
عمر : مرحبا الساع بو جسيم كيف الحال
حمد:مرحبا باجي والله بخير وسهاله تسلم
عمر الله يسلمك
حمد :انت وين ما وصلت
عمر بلى انا عند الكراج اترياك
حمد :احينه ايك مع هالخبله
منصور قم وحط ايده على خواصره وقام يباغم
منصور :جيه شايفني اقطع في كندورتي ها
حمد :اسكت لاه عمر برع بس لغي وقم بنسير عنده
منصور :وساكت قوم عني
حمد ومنصور يربعون عند عمر الي يوصل قبل شافهم عمر وقال الحمد لله والشكر
منصور :اصلا انت تغش دزيتني بعدين ربعت
حمد :والله انت بقره
عمر :احم احم شالسالفه
منصور وهو منتفخ شوي وبينفجر :ماشي
عمر :بووووووووووووووووو ههههههههههه
حمد: هههههههههههههههههههههههههههه
منصور :الحمد لله والشكر شفيكم
حمد :انفجر منصور
عمر وهو ماسك بطنه من الضحك :عليك انت بعد شو
منصور :شايفني مهرج جداميكم
عمروهويمسح دموعه :محشوم
دخل عمر وحمد الميلس ومنصور خذ اغراض عمر ايوديها الملحق الي عند الميلس
شوي ودخل عليهم بوحمد :يا حي الله من جانا ولفى دارنا زارتنا البركه
عمر وهو يوايه بوحمد :الله يحيك عمي شخبارك
بوحمد :مانشكي باس مشكور
حمد وهو يحب راس ابوه :عساك على القوه يا ابويه
بوحمد :الله يقويك شعنه ما لحقتني العزبه ها
حمد: كنت اتريا عمر
بو حمد :انت شو بفك من عيوزك محتشره
حمد :الله كريم
دخلت عليهم ام حمد وهي محتشره على حمد
ام حمد :شعنه ما يت العزبه تشوف الذبايح والى انت ما مهتم ومن متى وانت تهتم اصلا والله يحمد انت ما قميت بعد شو يا ويلك ياسواد ليلك فاهم ومنصور يمسك امه يباها تسكت عشان عمر موجود بس لاحياه لمن تنادي
بو حمد :يا حرمه حشمي الضيف كليتي الولد ما يسوى عليه ترى نحن سرنا وشفنا الذبايح ليش محتشره
ام حمد وهي تعدل برقعها على ويها :ويه يا فضيحتي شعنه ما قلتولي
منصور :وانتي خليتي حد يرمس
ام حمد :صخ انته ودزه وتروح عند عمر :السموحه منك يا ولدي بس هذا الى ما يسمع الكلام خبلني
عمر وهو يوايه ام حمد :لالا عادي خالوه انا ادري فيه دومه جيه
حمد يمط كندورة عمر :جب ما عندك سالفه
أم حمد :انت الي ما عندك سالفه وسنع
حمد :خلاص ميه بروح العزبه بعد الصلاه والله بروح ويقوم يبوس راسها وهي دزه ماباك تراضيني
حمد :افا
منصور :اميه حريم ياينج يساعدونج من مساعه بقول وانتي مطنشه
ام حمد :مسود الويه وساكت تضربه على جتفه خوز عن ويهي
حمد :دواك
عمر :احسن
بو حمد :جزاج الله خير يام حمد
منصور يسوي عمره جزين :انا محد يغليني في البيت قد الرضيعه
بو حمد :افا وانا وين رحت وامك
منصور :هيه باين وايد انك تحبني
بوحم
الرجوع الى أعلى الصفحة اذهب الى الأسفل
عذبة الاوصاااف

avatar

عدد المساهمات : 153
تاريخ التسجيل : 02/09/2011
الموقع : -

مُساهمةموضوع: رد: ... اراضيكم بعد رد اعتباري ...   الإثنين سبتمبر 05, 2011 12:44 am

في بيت العروس
مريوم : وضوح وين عنود
وضحه وهي تطلع من الحمام :ما ادري
مريم :ابغي اروح الصالون بس ما ابغي اروح اروحي
عنود تدخل وابيدها نوف :كني سمعت اسمي
مريوم :دخيلج انجديني
نوف :اموه انتي حوه
مريوم :وانتي احلى يا قمر تعالي فديتج
نوف تربع تروح لمريم :فديتج والله حلوه
وضحه :لا ما حلوه دلوعه ووصخه
نوف :انتي وثخه الوعه
وضحه :انا وصخه ودلوعه براويج
عنود :ان سويتي فيها شي بخبر يوسف
وضحه :يوسف عادي عنده
نوف :ماما اوفيها
عنود :وهي تحط نوف في حظنها :يالله وضحه ضربيها اذا ضربتيها بتعور انا وكرشي
وضحه :مالت عليج وعلى ريلج وعلى كرشتج وبنتج
عنود :مالت عليج روحج
مريم :انتي ما عليج من هاي وهي تأشر عل وضحه
عنود :انا شو مطلوب مني

مريم :يقولو اروح الصالون
عنود :هيه انا حجزت لج عند الصالون جلسه تنضيف للوجه وبروفه شعر ومكياج
مريم :اوكي
وضحه :مريم بتقصي شعرج
مريم :لالا حمد بينازعني ما فيني
وضحه :عادي ما يعصب
مريم :اوكي بس انا صار ياويلج
عنود :انا في عرسي قصيتة ونازعني لين بغيت اصيح
مريم :لالالالا ما بقصه
وضحه :هههههههههههههه احسن
مريم :وانا اقول تبى حمد ينازعني
وضحه فلت شعرها واصل لتحت ضهرها
مريم فلت شعرها وصل لين تحت ظهرها
دخلت عليهم ام يوسف ويه عليكم ليش فالين الشعر
يالله لمنه
وضحه تنعش قدام امها
ام يوسف :لميه لا اقصه
وضحه :امي انا بقصه لين خاصرتي
ام يوسف :ان قصيته بقص راسج بعد هالي ناقص
عنود :عمتي :وضحه ضربتني على بطني
ام يوسف :وضحوه تبين تقتلين الولد
وضحه :اميه والله كذابه انا ضربت نوف
ام يوسف :شعنه تضربينها هاه

وضحه :انا يبته لنفسي نوف قومي بروح نلعب بلي ستيشن
مريم :فلحت
سارت وضحه وهي شاله نوف وهي تواجعها وتضحك وام يوسف سارت ترتاح ومريم والعنود سارو الصالون
عمر بدل ثيابه وانسدح يرتاح شوي لين اذن اذان العصر تذكر امون وقال معقول احينه يفصل بينا بس يدر آآآآآآآآآآآآآآآآآآآآآآآآآآآآآآآآآآآآآآه يا من ذبحتيني والله ذابحتني بس لازم ارد اعتباري واذا صار الى في مخي بصير هي قريبه مني

منصور وعبيد قاعدين في جبل حفيت وعبيد تنهد تنهيده تخشع الصدر
منصور :يالله يا عبيد ما يسويعليك انها عرست
عبيد :مب جيه السالفه السالفه انه قالت لي انا بترياك والله ما بتكون لحد غيرك في الاخير تقول لي لازم تخلي خواتك يحضرون عرسي آآآآآآآآآآآآآآآآآآآآآآآآآآآه يامنصور حاس اني بموت
منصور :يا ريال لاسوى بعمرك جذا ما يسوى عليك هذا الحب
عبيد: هذا مب حب يوم هذا حب 4 سنواتوانا اهلك عمري عشانها
نزلت دمعه حاره على خد عبيد وكمل اه قالت انا اترياك سافرت علشان اكمل دراستي وارج لما رحعت كنت يايب لها طيار برتبه ملازم بس هي خانت الثقه وخذت ولد خالتها وخلتني انا ولد عمها وراح صوته بصياح
منصور زعلان على ربيعه :بس يا عبيد لا تجتل عمرك عشانها لاتنسى انه في ناس يتريوك في البيت
عبيد مب حاس بدنيا لانه ياته دوخه قويه شوي يوقف بعدين ما حاس لاهو طايح في ثبان منصور
منصور من الزيغه قام يزعق شوي ياهم واحد من الشباب
الشاب :خير اخوي شصاير
منصور : ما ادري هو من كم يوم تعبان بس اليوم طاح دخيلك فزع عليه نتلاحقه نوديه المستشفى
الشاب :يالله
منصور والشاب شلو عبيد المستشفى وهو ما يتحرك مول ومنصور مستخف مسرع يجاوز السيارات علشان يوصلون المستشفى وصلو المستشفى منصور سار يصارخ على الممرضين
منصور :دخيلكم ربيعي تعبان دخيلكم حد يساعده يالله بسرعه
وصلو اللممرضين عند السياره ونزلو عبيد الى كان مثل الميت ومنصور متخبل يصيح
منصور :الله يخليكم هذا ربيعي واخويه مالي غيره الله يخليكم وصاح
الشاب :افا يا اخويه لاتقول جيه الريال ما فيه الا العافيه انت حط الرحمن في صدرك واهدى
منصور :والله مشكور مندونك كنت ما اعرف شو اسوي
الشاب :لا والله ما سويت الا الواجب
منصور :منو الريال
الشاب :هادف وانت
منصور :مرحبا فيك اخويه هادف اسمحنا ترى والله ما عرف راسي من كرياسي
وصلو ععبيد غرفه الفحص وطلع الدكتور وراح له منصور وهادف
منصور :خير دكتور
الدكتور :ما فيه شي بس هو ما بفتره انهارت فيها اعصابه ولاشي
منصور :هيه هو كان زعلان عشي وكان ما يرحم عمره معني كذه مره رمسته بس هو ما يسمع
الدكتور :مشان كدا هو تعبان وعنده انهيار عصبي حاد واحسن انكم جبتوه بسرعه لانه حالته شوي خطيره
منصور :آآآآآآآآآآآآآآآه احس اني بموت من شفت حالته
هادف حط الرمن في صدرك وارتاح مافيه الى الخير
منصور :انشالله
شوي يدق تلفون عبيد شافه رقم ابوه وشاله
منصور :هلا عمي هلا والله
بو عبيد : هلا ولدي منصور شحالك
منصور :بخير الحمد لله
بوعبيد :عبود مسود الويه وينه ليش ما خليته يرد على التلفون
منصور في خاطره لحول شلون اخبره :عمي عبيد تعبان في المستشفى وانا احينه عنده
بو عبيد :كيه صاير عليه تو الصبح كان زين شو صاير عليه
منصور :تعبان شوي
بو عبيد :خلاص احينه ايكم
منصور :ما يحتاي عبيد بعده راقد
بو عبيد :احينه أي ولا كلمه
منصور :انشالله بس لا تعصب
بوعبيد : يالله مع السلامه
منصور :مع السلامه وسكر وقال عمي ما يتفيهم كله زعيق عنده
هادف:ههههههههههههههههههههه حرام عليك لخبر عليك عبيد
منصور يطالعه بنص عين :قرب منه بس
هادق :بل بتنقبني بعينك


في بيت عبيد كان خالد اخوعبيد كان يتمصخر على خته شذا
خالد :ايه انتي على منو طالعه لا تشبهيني ولا تشبهي عبيد ولا عبير ولا ابويه وامي
شذا :انا اشبه نفسي
خالد :هههههههههههههه نعم انتي تشبهين رحيمه الخدامه
شذا :رحيمه مرتك الهبله
خالد :يمه انتي يوم كنتي تتمنضري وانتي حامل مالقيتي غير رحيمه
ام عبيد :شعنه انتي ويها تتناحرون ها
ابو عبيد ماسك التلفون في ايده ويفكر كيف بقول لهم انه عبيد في المستشفى
ام عبيد :خليفه (بو عبيد ) بلاك واقف تعال اقعد
خليفه :شيخه تعالي شوي
شيخه :خير بو عبيد شو بغيت
بوعبيد :تعالي الغرفه بقول لج
تدخل ام عبيد الغرفه هي وبوعبيد شوي وتطلع الصارخ وشايله العبايهوتقول
شيخه :خلني والله ان ما وديتني لااروح بتكسي
خالد :خير اميه شصاير
شيخه :وعلي عنه وانا اقول من كم يوم مش طبيعي واعليه
عبير وهي يايه تربع من فوق :شصاير اميه ليش تزاعجين
شيخه :اخوكم عبيد
الكل :شفيه
شيخه :في الدختر
شذا :لالالالالالالالالالالالالالالالالالا لاتقولي مات للالالالالالالالالالالالا بموت
خالد :فال الله ولا فالج انتي بعد
بو عبيد :انتو شفيكم ربيعه يقول انه تعب شوي وما فيه غير العافيه
عبير تسمع وشوي وسارت فوق تتصل ببنت عمهم جميله
عبير :الو جميله
جميله :هيه منو معايه
عبير :من حقج تنسين طبعا انا بنت عمج عبير
جميله من غير نفس :نعم خير شو تبغي لا تتوسطي لي عشان ارجع لخوج الاهبل هههه انسي
عبير :تصدقين انج وقحه ونذله
جميله :هي يا العانس احترمي نفسج زين
عبيير:ويه الحمدلله هب شراتج انا
جميله شقصدج
عبير: والله انتي ادرى
جميله:اقول انا ما ابي اعنس شراتج زين ولم ياني نصيبي ما بقوله لا
عبير : والله اعتقد انه اخوي قالج اتريه لم يخلص دراسته وياخذج لكن انتي ما تستاهلينه اصلن غلط لم حبج انتي والله
جميله :والله انا ما قلت له حبني وانا لم وافقت اترياه على بالي ما بعرس شراتج علشان جيه وافقت
عبير والله اعتقد اني هب عانس ولد عمي محيرني من زمان وقال لم بيخلص بنتزوج ولو قالي انتظريني عشر اسنين بترياه مدام يباني
جميله هب عارفه اترد على عبير انتي ملج شغل كيفي انا
عبير اوكي هب مشكله بس اسمعيني ان صار بأخوي شي يا ويلج يا جملوه تسمعين بتشوفين شي ما شفتيه
جميله تهدديني يعني
عبير اعتبريه مثل ما تعتبريه
جميله انزين هو شو بلاه اخوج
عبير ما بلاه شي بس مثل ما قلت لج يا جملوه بتندمين يا الجبانه
جميله اوف باي زين
عبير تسد تلفون بويه جميله وتمتم بنفسها بتشوفين يا جملوه مثل ما حرقتي قلبي اخوي بحرق قلبج ما عليه

في بيت العروس كان الكل مرتبش وضحه شالله البيت فوق راسها لان المصمم خرب فستانها ويالسه تصيح مريم تهديها
وضحه :والله ما احضر العرس شوفي شو مسوي
مريم :مب كيفج انشالله تحضريه بجلابيه بتيه يعني بتي
عنود :بلاه فستانج غاوي
وضحه : انا قايله له ايسوي كم واحد هو مسوي كمين
مريم :ماعليه الغاليه علشاني لبسيه
وضحه :اوكي بس والله لاروح له وهزءه
مريم :سوي الي تبيه بعدين يالله الحين المحنيه تتريا فوق قومي
وضحه :زين
وفي بيت حمد حمد يتصل في منصور
حمد :الو منصور سود الله ويهك انت وين
منصور :امره قلت سود الله ويهك قبل ما تعرف
حمد :زين يالله انت وين
منصور :انا في المستشفي
حمد فز من مكانه :خير منصور شوصاير وين ستوى الحادث وانت متعور ولا لا
منصور :بلاك صرطتني ما صار لي شي ومو انا التعبان
حمد :منصور خلك بعيد لين أي وارمس الشرطه
عمر كان توه داخل الميلس وسمعحمد وقعد عدال حمد ونغزه في خاصرته
عمر :حمد شو صاير
حمد يسوي علامه بأيده يقول لحظه
حمد :انت في أي مستشفى
منصور :يا بويه مب انا خويه عبيد تعب علينا ويبناه المستشفى
حمد يتنهد برتياح :شخباره اللحين
منصور :الحمد لله اقول انا الحين بي البيت وبرمسك اكي
حمد اوكي
سكر حمد عن منصور والتفت لعم ر
حمد :والله خفت جد
عمر :ه اشوف عيونك ظاهرة برع
حمد :وي ويهك
عمر :شو صاير
حمد :ما ادري بس منصور يقول خويه تعب عليهم ودوه المستشفى
عمر :لاه ما يشوف شر
وقت ما حمد وعمر في الميلس
امون كانت توايق من الدريشه وسرحانه في الملحق شوي وياتها فكره وبتسمت
منصور بعد ما سكر عن اخوه سار عند غرفه عبيد وشافه دمعت عينه على حالت خويه وقعد يقول
حسبي الله على من كان السبب شوي ويسمع صوت ام عبيد شاله المستشفى فوق راسها
ام عبيد :وينه وينه الغالي خلوني بشوفه وينه
منصور :هلا خالوه ويحبها على راسها
ام عبيد :هلا ولديه منصور شحالك بويه
منصور :بخير الغاليه
بوعبيد :ها منصور شحاله عبيد
منصور :بخير هو بس تعب شويه والحين هو نايم
ام عبيد :وينه زين ابغي اشوفه
شذا :يمه شوي شوي على الريال بالهون
ام عبيد :تراج مب حاسه بحرقه قلب الام
هادف شاف حال قوم عبيد جيه دمعة عينه وقال في خاطره الله يخلي لك امك يا عبيد منصور شاف هادف بس اتريا لين ايخبر ام عبيد مكان الغرفه
منصور :خالوه غرفه عبيد رقم ......
بو عبيد :مشكور يا ولدي ما ادري كيف اشكرك على الى سويته
شذا :يبه هذا واجبه
خالد :وانتي شو لج حاطج محامي دفاع الريال فيه لسان طوفي جدامي شو هالقافه
شذا :زين
منصور :عمي شو هالكلام ترى والله ازعل عبيد خويه قبل ما يكون ربيعي وانا لما شفت حالته يبته المستشفى وساعدنا الريال وهو يأشر على هادف
بو عبيد :مشكور اشهد انك مخاوي شمه
هادف وهو يوايه بو عبيد ويخاشمه :العفو عمي ما سويت الى الواجب
ام عبيد خلت بوعبيد ودخلت عند ولدها هي وشذا وعبير وخالد اول ما شافو عبيد وحالته جيه صاحو
ام عبيد: واعليه الوالد ذابل ما تام منه شي
شذا :واي فديت اخويه الله يجازي الى كان السبب
عبير في خاطرها :والله ما تستحق تجتل عمرك عشانها بس وين بتروح اراويها والله لاتندم على اليوم الى هدتك فيه وانا عبير بنت خليفه
خالد وهو يمش دموعه :يمه شذا بس عاد الريال ما فيه شي
ام عبيد :وين بخير ماتشوف شقى حالته
شذا :يعله فيني يا اخوي يعله فيني
عبيد من سمع حس امه قام ولما قالت شذا هالكلام قال:بسم الله عليج في عدوينج
شذا :ويه فديتك الحمد لله على السلامه
خالد: ماتشوف شر بوعذور
ام عبيد : وايه عليك يا ولدي خرعتنا عليك
عبيد: الله يسلمكم من الشر وين ابويه عيل
بوعبيد وتوه حادر الغرفه :انا هنيه فديتك الحمد لله على السلامه
عبيد :الله يسلمك من الشر ابويه
بوعبيد :يابوي شو لي سوابك جيه
عبيد :والله ما ادري حست انه صدري ضايق جنه مهدود عليه يبل بعدين دارت بي الدنيا وما وعيت الى وانا هنيه الي انتو منو قال لكم
خالد :منصور قال لنا والله يا بختك يربيع شرات منصور
عبيد :منصور وينه هو
بو عبيد روح وقال بليل بيك بسلم عليك
عبيد : الله يسلمك ويسلمه من الشر
ام عبيد :يا ولدي شوف شقى مضعف صاير يابس كله من قلت الاكل
شذا :يالله خذ شو بفججك منها احينه
عبير انتي مالج شغل
عبيد تم يطالع عبير وقال :شعنه ما تسلمن هب اخوج انا ولا مايهمج مرضي
عبير قبل كانت ماسكه عمرها اول ما سمعت كلامه ربعت له ولوت عليه ويلست اصيح
عبيد :بل ما قلت شي
عبير :عسى الى سوى فيك هالشكل الموت والهلاك
عبيد :حرام عليج لاتقولي هذا الكلام مره ثانيه
عبير:بعد ادافع عنها ترى والله ما تستاهل هذا التعب كله
عبيد:حتى ولو ما اقدر بعدي احبها
ام عبيد :شوبلاكم تصاصرون انتو دوم ما تقعدون تهمسون شعندكم
خالد :يناقشون قضيه عاليمه
ام عبيد :شو شو يسو
خالد :يحلون مشكلةالنووي الايرانيه
عبيد :هههههههههههههه أي صدري
ام عبيد :غربلاتك يا خلود تعبت الولد
خالد :السموحه
عبيد لا عادي
شذا :عبودي فديتك شو تانس احينه
خالد :ريال بلحيته تقولين عبودي
عبيد :انت شعليك بخير فديتج ما فيني شي
شوي دخلت السستر وقالت بعطيه منوم لانه بعده تعبان ويمكن تيه نكسه عطو منوم ورقد خالد وشذا وعبير وام عبيد ردو البيت بعد ما طلعت روحهم وهم يقنعو ام عبيد

في بيت المعاريس فطيم قاعد تتحنى وامون مخلصه وقاعد في الغرفه شو وتدخل عليها بنات خالتها عليا وسعاد وشيما
عليا:الله الله شو هالزين
امون :شو نسوي بعد
سعاد :مشكله الغرور
امون :شسوي مالي غير الغرور هههههههههه
فطيم :علايه الغاليه شخبارج
علايه :وايه فطامي شخبارج وشو علومج
فطيم :بخير الحمد لله شخبارج سعاد شخبارج شيما
سعاد :تمام الحمد لله
شيما بغرور :بخير
سعاد :شعنه تقوليها جيه
شيما :مايخصج
علايه :لاتبدن
سعاد :سكت
شوي تدخل عليهم زهره حرمة اخو سعاد وعلايه سعود
زهره :شيما الغاليه امج تبغاج
شيما :اف زين
سعاد :الله بيحرقج في نار منكثر الاف هاي
شيما :ماعندج سالفه
طلعت شيما ودخلت زهره وهي حامل بشهرها الثامن
امون :هلا بزهره السموحه ما اقدر اقوم
زهره :ما عليه انا بي ويتوايهون وتقعد على الكرسي لانها لما تقعد على الارض تتعب
سعاد :فديت انا ام سعاد
زهره تتلفت :منو ام سعاد
سعاد :عن المصاخه انتي بعد منو
زهره :مينونه اسمي سعاد الغاليه انا ما ايب الى مديه على اسم عمتيه فديتها
سعاد حايسه البوز :زين
شوي تدخل شيما وهي معصبه
امون :بلاج الغاليه
شيما :وانت شو لج والله لاقافه بعد ما ادري من تحسب عمرها
امون حزت في خاطرها وسكتت لانه شيما اكبر عنها
سعاد :شيمو حترمي نفسج ما قالت لج شي
علايه :سود الله ويهج ما تستحين
شيما :والله بعد طلع لكم السان انا بروح بتصل بسالم ياخذني من هني
سعاد: أحسن فكه منج
زهره :سالم سار ويا سعود بوظبي
شيما : اف انتي منو طراش بعد ما بقى غير بنت المصريه
زهره وهي تصيح :مشكوره يا شيما بس ابغي اقولج انا ما بستحي ليش انه امي مصريه بالعكس افتخر وما بنزل راسي وطلعت هي تصيح وعلايه سارت وراها
شيما :بلما يحفظج ما ادري سعود ليش خذا فديت هداي انا احلى عنها
سعاد :امحق حلا
فطيم :شيما حرام عليج ليش قلتي لها جيه
شيما :سكتي انتي ما عندج سالفه
امون عصبت منها :والله انتي الى ما تحشمي احد كنها هاي مب مرة عمج وام ريلج الى تتكلمي عنها بس الغلط هب منج من الى يتكلم وياج انتي مب ويه حشمه
شيما سكتت وتمت تطالع امون بحقد
زهره نزلت الصاله وسارت غرفه الضيوف وقعدت على الكرسي
علايه :يعني انتي احينه بتزعلى من شيما
زهره :بس انا مالي خص
علايه :شيما طيبه بس من طرحت وهي مستخفه ما ادري شياها بس ما عليه هي ازمه وبتعدي
زهره :انشالله تعدي
علايه :بس عجبتيني لما شعمتيها يعلني افداها
عمتي مرفت محد قدها
زهره : لا تتفدين امايه جدامي
علايه : وليش انشالله
زهره :جيه
علايه :زين
شوي تحدر مرفت مره عم علايه وام زهره
علايه :ويه فديت هالطول انا
مرفت :اهلين بنتي شيف حالج
زهره :يمه شو شيف حالج
علايه :سكتي انا مرة عمي نتزايم انتي ما يخصج بخير الغاليه
زهره :خلاص عيل انا بروح فوق
علايه :يالله فارقي
طلعت زهره من الغرفه سايره فوق شافت شيما نازله زهره تحب شيما وشيما نفس الشي بس من سقطت وهي جيه
شيما :السموحه منج جان اني زعلتج
زهره :لا عادي ما فيها شي
شيما :ترى انا ما بسوي هالشي كله من اخوج محسسني اني انا السبب بالي صار
زهره وهي تقعد على الكرسي :لا تلوميه ترى امي عيزت من ترمسه وهو ما يسمع الكلام
شيما :رحموني ترى الى صار مب ايدي قضاء وقدر اني ازلق واطيح والحمد لله انا اقدر احمل مره ثانيه ما يقدر يتريا ست اشهور
زهره :انشالله يرزقج قبل الست اشهور قولي آمين
شيما وهي تضحك :آمين
زهره يالله نروح فوق مسكينه امون متفيزره ومب قادره تتحرك
شيما :لالا انا مب رايحه عند هالملسونه توها سرطتني
زهره بنص عين :شو سويتي فيها
شيما :يات ادافع عنج هزبتها سرطتني وشربت على ماي بعد هههههههههههههه
زهره :هههههههههههههههه سوالف انتي يالله قومي اسامحي منها
شيما :يالله اوكي سارو فوق وطلعت مرفت سارت عند الحريم وعلايه بروحها تتكشت في البيت شوي ويدخل منصور يهود
منصور :هوووود هووود
علايه وهي تتحجب :هدا ولد خالتي
منصور :منو علايه لالا البيت مظلم
علايه :هههههه غليس
منصور :مايبتي شي يديد
علايه ومنصور اخوان بالرضاعه وعشان جيه عادي معاه
منصور :ايه عليوه منو ياي انتي ومنو
علايه :انا وسعاد وشيما ومرة اخوي زهره
منصور :زين سيري سولي درب بروح غرفتي ببدل توني ياي من المستشفى تعبان
علايه وايدها على صدرها :خير اخويه شياك عسى احسن
منصور :ايه شفيج مب انا
علايه :عيل منو
منصور :وانتي شولج شو هاللاقافه
علايه :بس بلعتني زين
منصور :سيري سويلي درب
علايه :زين لا تصارخ كله يزعج
سارت عليه سكرت باب الحجره وطاف منصور ساير الغرفه شوي وطلع قبل ما تدخل
منصور :ايه سويلي يمر بدخن
علايه :ايه مرتك الغبره
منصور :تهبين تسوينها مرتي باخذ شيخه المزاين كلهم
علايه :امحق
منصور :بتروحي ولا لا
علايه :بروح ها
منصور :اتحسب بعد

في دبي وبتحديد في بيت عمر سلامه تتصل لشذا ربيعتها
سلامه :الوووووووووو سلام عليكم
خالد :وعليكم السلام
سلامه ويه منو هذا :لو سمحت شذا موجوده
خالد :لحظه شوي ...... رحيمه اوه شذووووووووووووووه
شذا :رحيمه حرمتك شو تبى
خالد :ربيعتج مال دبي
شذا :وايه سلامه فديتها على التلفون قوم عني
خالد :زين عن تموتي خذي
شذا تير التلفون من ايد خالد وخالد دحها على ظهرها :متخلف
شذا :هلا والله مرحبا زود
سلامه :احينه عقب مات شبعتي من الهذربان
شذا :محد غير الملغ خلود
سلامه :شخبارج بعد
شذا حالتي مب زينه
سلامه :افا ليش
شذا :اخوي عبيد في المستشفى
سلامه :لاه سلامته شو بلاه
شذا :انهيار عصبي
سلامه :خيبه من شو
شذا :ما ادري بس تعب في جبل حفيت ودوه المستشفى
سلامه :لالالا تستاهلون سلامته
يلست شذا تسولف هي سلامه شوي تدخل ام عمر
ام عمر :سلاموه
سلامه :لحظه شذا بتوايب على امي ها امايه انا هنيه
ام عمر :انتي منو تكلمي يالله بروح بيت عمج في بوظبي
سلامه :امايه هاي شذا
ام عمر :والله سلمي عليها
سلامه شذوي امي تسلم عليج
شذا :الله يسلمج ويسلمها

سلامه :أقول أنا بسكر عنج بسير بيت عمي
شذا :اوكي سلمي على ميره ومهره
سلامه :سلام يوصل
شذا باي
سلامه :باي
سكرت سلامه عن شذا وسارت تتلبس لانها بتروح بيت عمها
بوعمر كعمر ما دق لج
ام عمر :هو الى في البلاد ويسلم عليكم
بو عمر الله يسلمه
ام عمر :يقول بو حمد كان يدقلك عسب يعزمك يوم الاربعا والخميس

بوعمر :هيه دق وعزمني وانشالله بروح انوجب
ام عمر :هيه انا بعد بروح وياك
بوعمر :وسلامه
ام عمر:انا اليوم بروح بيت اخوك وبتقعد عند البنات
بو عمر /زين زين عيل انا بروح اتمسح احينه بلأذن المغرب
ام عمر :هيه يالله
الرجوع الى أعلى الصفحة اذهب الى الأسفل
 
... اراضيكم بعد رد اعتباري ...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــــــــــــدى الشيخـــــــــــه العنـــــــــــــــــود :: الـــــــــــــــــــــــــقـســـــــــــــــــــــــــــــم الادبـــــــــــــــــــــي :: ملتقى القصص والروايات-
انتقل الى: