الآ يا عذبة المغنى فديتك لا تجافيني
تراني مشتهي شوفك وشوقي للقا ضامي
تعالي واعزفي لحنك وقولي يا مهنيني
احبك وأعشقك وأهواك يا عزفي وإلهامي
كثر ذيك النجوم اللي بحبك ما تساويني
ولو قلت الحروف اللي بها أنغام أقلامي
أبد والله ما تسوى جميع الكون في عيني
تراهم فدوتك لى صرتي يالمحبوبه قدامي
واذا ما غبتي يا قمره خفوقي كم يواسيني
وصمتي يذبح الخاطر ويبكي قلبي الدامي
أنا يا منيتي مشتاق لو تدرين وش فيني
اخاف ان القدر يقسى ويسرق كل أحلامي
ورغم الخوف لكنّي ابي صوتك يناديني
ابيك تسامري طيفي وعزف الحرف وتنامي
انا يا عذبة الاوصاف منك الصوت يشفيني
ويسعد ليلي الحاير وانادي طيف أنسامي
حلفت بحبك وأقسمت الى منك تلاقيني
ابهديك الغلا والروح وكل العمر وأيامي
موضوع: ... عذبــــــــــــة الاوصــــــــــاف ... 
الإثنين سبتمبر 05, 2011 12:09 am
انتي الاروووع ملووووووووووووووكه 
ومشكووووووووووره ع المرووور