منتــــــــــــدى الشيخـــــــــــه العنـــــــــــــــــود
مرحبا بك زائرنا الكريم يسعدنا تواجدك في منتدانا المتواضع اذ كنت عضو مشترك اضغط على الدخول واذا كنت غير مشترك وتريد الاشتراك اضغط التسجيل واذا كنت تريد ان تستطلع فقط فاضغط الاخفاء يسرنا خدمتكم نورتونا


ثقافي ترفيهي
 
الرئيسيةالبوابةاليوميةس .و .جبحـثالتسجيلدخول

شاطر | 
 

 عــاطــل وتبــي تتونــس بخلــق اللــه؟؟ حيــاك دروس للعاطلــين في الأخـلاق هههههه

اذهب الى الأسفل 
كاتب الموضوعرسالة
????
زائر



مُساهمةموضوع: عــاطــل وتبــي تتونــس بخلــق اللــه؟؟ حيــاك دروس للعاطلــين في الأخـلاق هههههه   الثلاثاء أغسطس 23, 2011 11:11 pm

""" اعرف ان المجتمع خطا واعرف الصح من المجتمع :&&


السلام عليكم
اليوم جايب لكم موضوع يونس خاصه العاطلين انصحكم تسوونها


لاحظت أخطاء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي أبوي.....

بسم الله نبدأ ..

خطأ :

عندما يصطدم بك أحد وأنت تمشي .. ثم تسقط كتبك ... ثم تأخذها وتمشي .. وكل منكما يتأسف للآخر ...

الصحيح :
تمسكه مع ثوبه ... وتصكه بالجدار .. وترفسه مع بطنه .. وحبذا تنهيها بركبة وإلا كوع ...

وبعدين:
تقوله شيل الكتب .. ومرة ثانية فتح عيونك يالوح


خطأ :

تفتح الإشارة .. ثم يعلق يزمّر لك االي وراك ... ثم تطالع في المراية ... وتلقاه يهاوش ومعصب .. ثم تلوح بيدك تتأسف ...


الصحيح :

تنزل له بمفتاح العجل .. أو عجراء ... وتطق الطاقة عليه ... وأول مايفتحها ... جرّه مع شعره ... واجلده لمين يقول العيد الليلة ...

وبعدين:

قله مرة ثانية تصير الاشارة خضراء .. تصير حمراء .. تصير زرقاء ... تاكل تبن وتسكت ..


خطأ :

تدخل المحاضرة متأخر ... يقولك الدكتور اطلع برا يامهمل .. ياللي فيك ومافيك ... ويصك الباب بوجهك .. ثم تروح حزين ...

الصحيح :

تنتظره بسيارتك .. وأول مايحرّك لبيتهم .. حدّه على ماصورة ... والا جدار ... والا حاول تخليه يصدم سيارة ..

وبعدين:

طلع راسك مع الطاقة ... واضحك ..


خطأ :

جالسين أنت ومجموعة من الشباب ... وعندكم بباسي ... وطلعت تبي تغسل ... فيقوم صديقك ويرج الالعلبه ... ثم تجي تبي تفتحه ..
ثم يطيش بوجهك ... ويضحكون عليك .. فتقول ... هههههه الله يرجك والله لارد لك المقلب ..

الصحيح :

تمسكه ... مع رجليه ... وتصبخه بالارض صبخ ... وتجيب كرتون ببسي .. وترجه رجا مبرحا ... ثم تفتحه بوجهه ...

وبعدين تقوله لاصرت أخوك الصغير ... والا تمون علي .. نكّت معي هالتنكيت ... وهالمرة بسمح لك عشان خاطر الموجودين ..
والا تدري !! ...
ثم اعفس العلبه... وحطّه بمخباته ... وقله لاتطلعه من مخباتك الا اذا رحنا ...


خطأ :

تحلق عند حلاق ... ومتحمس تعلمه سو كذا ... وسوي كذا ... وهو يقولك .. أنا في معلوم .. أنت بس ارتاح ...
وتتركه ... وتلقاه حالق نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...

الصحيح :

تاخذ الموس ... وتخربط براسه ... وشنبه ولحيته ... وإن حصل تحلق راسه عكس مب شينه ...
ولاتحاسبه ... وحبذا لو جلدته ... (( على حسب الموجودين ... لو ماعنده أحد أجلده )) ..

وبعدين:

قل بينك وبين نفسك ... ماعمري أحلّق عنده ...



خطأ :

تمشي بالحارة .... مثلا رايح للمسجد ... ثم يجي بزر من هالبزراين ... ويفلقك بحصاة .. ثم تلعن الشيطان وتعوذ من إبليس ...
وتكمل دربك .. تقول بزر ماعليه شرهه ...

الصحيح :

تاخذ لك بلكّه ... وتحلته عليه ... إن ضربته ... فهو خير ونعمة ...
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح .. فاتركه ... ورح صل وانه التزاماتك... ثم ارجع له .. وتفرّغ له ...
أكيد مومتحمل لمين وقت الصلاة الثانية ... وعلى مسؤوليتي بصيح ...


خطأ :

راكب سيارتك مستعجل ... وكل اشارة توقف عندها ... حتى الاشارات اللي مافيها أحد ..

الصحيح :

حتى لو انت مو مستعجل ... اقطع الاشارة ... الاشارة حطوها للي مايعرفون يسوقون ... وموهم ملزومين ...

خطأ :

ساكن بالدور الأرضي ... وفوقك ساكن واحد ... وصارت الساعة وحدة ... وأنت بتنام ... واللي فوق لجّه وصجّة ...
ماتقدر تنام ... ثم تروح لمهم .. وتدق عليهم ... وتقول لهم .. ترى سويتوا ازعاج وانا بنام ... ثم ترجع .. وتلقاهم نفس الحالة ..
ثم تقول .. الله يقطعهم ماخلوني أنام .. وتواصل للصبح ..

الصحيح :

دق على محل ستالايات ... وقله نبيك تجي تركّب لنا الطبق بالسطح ... ولاتنسى تجيب الدريل معك ... لأننا بنركب خمسة .. الليلة بس ..
ثم واصل للصبح ...


خطأ :

متابع فيلم .. ومتحمس .. ثم يجي واحد من أخوياك ويغيّر القناة .. بدون مايشاورك ... ثم تقوله ليش ياخي ماتشوفني متابع؟؟

الصحيح :

صكه بالمركأ ... ولحقه ببياله والا طفاية ... وخذ منه الريموت .. بدون ماتكلمه ... وحط فيلمك ... وتابعه بصدر رحب ...



{{{{ترا الموضوع للوناسة أهم شئ الأخلاق}}}}}

الخطأ :

إنك تقرأ الموضوع وتضحك طال عمرك وتخرج

الصحيح :إنك ترد على الموضوع وتضحك وتقول شكرا على المجهود.......
...
الرجوع الى أعلى الصفحة اذهب الى الأسفل
ملاك الكون
الادارة
الادارة
avatar

عدد المساهمات : 1008
تاريخ التسجيل : 22/07/2011
العمر : 28

مُساهمةموضوع: رد: عــاطــل وتبــي تتونــس بخلــق اللــه؟؟ حيــاك دروس للعاطلــين في الأخـلاق هههههه   الأربعاء أغسطس 24, 2011 10:29 am

هههههههههههههه تنفعين مدرسة محششين فديتك Very Happy


رائع وممتع تقبلي مروري queen

_________________
توقيعي في الحياة هو:
علمتني الحياة أن أجعل قلبي مدينة بيوتها المحبة
وطرقها التسامح والعفو وأن أعطي ولا أنتظر الرد على العطاء
وأن أصدق مع نفسي قبل أن أطلب من أحد أن يفهمني
وعلمتني أن لا أندم على شي
وأن أجعل الأمل مصباحا يرافقني في كل مكان
الرجوع الى أعلى الصفحة اذهب الى الأسفل
http://alhabooba.mam9.com
 
عــاطــل وتبــي تتونــس بخلــق اللــه؟؟ حيــاك دروس للعاطلــين في الأخـلاق هههههه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتــــــــــــدى الشيخـــــــــــه العنـــــــــــــــــود :: الــــــــــــقســــــــــــــــــــــم الــــــــــــــــعـــــــــــــــام :: ملتقى النكت والطرائف-
انتقل الى: