االعنود الاسم والوصف القلم ذاعه
اخت الرجال اللي تعلى غلاها
مهره اصيله في خلقها طاعه
تتعب نفوس وتهز قلب احتواها
ليت للشعر حرف يدوم من الزمن ساعه
كان اجنده خادم لعينك وانا حده فداها
واكتب بصدره عهد الوفاء ياخيتي راعه
تشهد لا لاح البصر شاهد يثبت وفاها
اذكر الله من الحسد وارتجيه بسماعه
يحفظك قرة العين ياطيب شاذي هواها
للطهر عنوان ساري مساري الشرف في رباعه
والثغر باسم على طرف ألحفا بادي حياها
ياوخيه لأظلمت بي الدنيا ولأصاب قلبي ملاعه
لقيتك لي سند راكن يطوي العتب زايد شقاها
سد في وجه النقص تبدي مناعه
بعزه الله شامخه والفداء من وريدي عطاها
تباعدنا الدروب ايام والقلوب تقاربنا طواعه
نجدد فرحنا ويطرب الخافق يمت لقاها
لا حرمني الباري وجودك ياهنا همس استماعه
تبقى نقئ الروح في وريدي للوريدي مجرى سراها
افتخر بك وانا خي العنود دام الراس مبحر شراعه
ولي انقضى عمري وصيت الحرف في مماتي يحسن عزاها
موضوع: العنود الاسم 
الخميس أغسطس 04, 2011 12:04 pm