يامرحبا باللــــي خـــذا الزين كلــــه xxx خشف المها الغالي عنود المزايين
نجل العيون اللي هدبهــــن مضلـــة xxx ومحاجــرً للمــوت فيهــن نياشيــن
لــــكن بعيـــونه جمـــوع مطلــــــة xxx عساكرً تامــــر عليهـــــا سلاطيــن
وان طال معك مشاهــده ماتملـــــه xxx كنك تــــدوج في فيـاض وبساتيـــن
امكــــملــــن زينـه دلالـه ودلــــــه xxx يجرح خفا والناس ماهـم بداريــــن
يهوزني بسكات محـــــدً فطنلــــه xxx ويرسل علي أسهـــوم قومً أمغيرين
وأن قلتله يازين ذا الطبع خلـــــه xxx ليه أتعسرني عن طريـــق المصلين
أقضـــا علي وقــال خلــه لعلــــه xxx تطل معـــي دينً وأنــا طلبـك ديـــن
يبـا السنيـــن الفايتـه يرجعلــــه xxx عهدً قديــم وخبـــرنا فيـه مبطيــــن
يعـــــونت الله ياليال المضلـــــه xxx يوم الشباب ولذتـــه قبــل هالحيــن
الجو صافـــــي والمواريـد فلــه xxx قطين عد وفــوق جالــــه مقيميــن
أيام تركـــــب شوفتي شوفتلــه xxx عشرة وفا بيني وبينه على الزيـن
ما جاه مني ناب الأرداف زلــه xxx وهو بعد عرضه زكين عن الشيــن
يوم أنه أو جهلي وأنا موجهله xxx مشيت له سلـمً مشـوه المحبيـــــــن
واليوم راح ولا هواي بهولــه xxx أقفا وحنــا عن هـوى البال مقفيــن
يالله ياللي كــــل عقــد تحلــــه xxx يامنزل ســورة تبـــــارك وياسيــــن
أنك تجنبنا الخزى والمذلــــــه xxx وبهداك ثبتنا على الحــق والديــــن
موضوع: عنود المزايين 
الخميس أغسطس 04, 2011 12:01 pm